Ehololo kuJohannes 7:1-17
7 Konima yaasho, onda mona ovaengeli vane ve li ofika keembinga nhee dedu tava kelele eemhepo nhee dedu, opo paha kale omhepo tai pepe kombada yedu, mefuta, ile komuti nande oumwe.
2 Opo nee onda mona omweengeli vali umwe ta di oko haku piti etango* e kwete oshididilikifo osho a pewa kuKalunga omunamwenyo nokwa lombwela ovaengeli vane, ovo va pitikwa va hanaune po edu nefuta ta ingida pombada
3 ta ti: “Inamu hanauna po edu, ile efuta, ile omiti, fiyo osheshi twa didilika+ ovapiya vaKalunga ketu meembaba doipala yavo.”+
4 Onda uda omuvalu waavo va didilikwa 144 000+ va dja momapata aeshe aIsrael:+
5 Mepata laJuda omwa didilikwa 12 000;mepata laRuben 12 000;mepata laGad 12 000;
6 mepata laAsser 12 000;mepata laNaftali 12 000;mepata laManasse+ 12 000;
7 mepata laSimeon 12 000;mepata laLevi 12 000;mepata laIsaskar 12 000;
8 mepata laSebulon 12 000;mepata laJosef 12 000;nomepata laBenjamin 12 000.
9 Konima yaasho, onda mona, ndele tala! ongudu inene ya nyengana okuvalwa ya dja moiwana, momihoko, movanhu nomomalaka aeshe+ i li ofika komesho yolukalwapangelo nokomesho yOdjona, ya djala oikutu itoka+ noi kwete oivale yomilunga momake ayo.+
10 Oya kala tai ingida pombada tai ti: “Ohatu pandula Kalunga ketu, oo e li kolukalwapangelo,+ nosho yo Odjona eshi ve tu xupifa.”+
11 Ovaengeli aveshe ovo va li va dingilila olukalwapangelo, novakulunhu+ nosho yo oinamwenyo ine, ova twa eengolo komesho yolukalwapangelo nova fimaneka Kalunga
12 tava ti: “Amen! Ehambelelo, noshinge, nounongo, nepandulo, nefimano, neenghono nosho yo omafa oyaKalunga ketu alushe fiyo alushe.+ Amen.”
13 Opo nee umwe womovakulunhu okwa pula nge ta ti: “Ovo va djala oikutu itoka+ ovo oolyelye nova dja peni?”
14 Onde mu nyamukula nda ti: “Omwene wange, oove u shi shii.” Okwa tya kwaame: “Ovo ovovo va pita moudjuu munene,+ nova kosha oikutu yavo mohonde yOdjona i kale itoka.+
15 Osho osho she va ningifa va kale komesho yolukalwapangelo laKalunga tave mu longele oilonga iyapuki motembeli yaye omutenya noufiku; naao e li kolukalwapangelo+ ota ka yala etwali laye kombada yavo.+
16 Itava ka fya vali ondjala, ile enota, netango itali ke va xwika vali, ile etokopya lomutenya,+
17 molwaashi Odjona+ oyo i li pokati kolukalwapangelo otai ke va lifa+ noku va twala keefifiya domeva omwenyo.+ Opo nee Kalunga ota ka feta po omahodi momesho avo.”+
Omashangelo opedu
^ Ile “koushilo.”
