Ehololo kuJohannes 6:1-17
-
Odjona ya kufa ko oipatifo ihamano yotete (1-17)
6 Nonda mona Odjona+ ya kufa ko shimwe shomoipatifo iheyali,+ nonda uda shimwe shomoinamwenyo ine+ sha ingida nondaka ya fa omungungumo sha ti: “Ila!”
2 Nonda mona, ndele tala! onghambe itoka+ nomulondi wayo e na outa noikuti. Okwa dikwa oshikoroni+ nokwa ya a ka finde ovatondi vaye.+
3 Eshi ya kufa ko oshipatifo oshitivali, onda uda oshinamwenyo oshitivali+ tashi ti: “Ila!”
4 Onda mona vali onghambe itilyana, nomulondi wayo okwa li e na eongamukonda linene nokwa pitikwa a nyone po ombili kombada yedu, opo ovanhu va dipaafane.+
5 Eshi Odjona ya kufa ko oshipatifo oshititatu,+ onda uda ondaka yoshinamwenyo oshititatu+ tai ti: “Ila!” Opo nee onda mona onghambe ilaula, nomulondi wayo okwa li e na oiyelekifo ivali meke laye.
6 Onda uda ondaka mokati koinamwenyo oyo ine ya ti: “O-quart* imwe yoilya yo-wheat oi na odenari,*+ neelitela nhatu doilya yo-Barley odi na odenari; omaadi eemono nomaviinyu naa kwatwe nawa.”+
7 Eshi ya kufa ko oshipatifo oshitine, onda uda ondaka yoshinamwenyo oshitine+ tai ti: “Ila!”
8 Nonda mona, ndele tala! onghambe itwima onghundu, nedina lomulondi wayo Efyo. Ombila* oya li ye mu shikula i li popepi naye, nova li va pitikwa va dipae oshitine shedu* neongamukonda lile, nondjala,+ nomukifi wa kwata moiti nosho yo noilyani yokombada yedu.+
9 Eshi ya kufa ko oshipatifo oshititano, onda mona koshi yoaltari+ eemwenyo*+ daavo va dipawa omolweendjovo daKalunga nomolwaashi va li hava udifa.+
10 Ova ingida mokule tava ti: “Omwene Omunamapangelo aeshe, omuyapuki nomunashili,+ fiyo onaini to kala ino tokola nokuhandukila ovadipai vetu ovo ve li kombada yedu?”+
11 Ova li va pewa oikutu itoka,+ ndele tava lombwelwa va teelele okafimbo kanini fiyo osheshi omuvalu wovamwaxe novapiya vakwao ovo va li pokudipawa ngaashi vo we lixwa po.+
12 Eshi a kufa ko oshipatifo oshitihamano, opa ningwa ekakamo ledu linene; nonda mona etango la laula ngaashi olududi* loshikutu shilaula, nomwedi wa tilyana ngaashi ohonde,+
13 neenyofi da wila kombada yedu ngaashi omangongwa omukwiyu a shikwa ko komhepo idjuu.
14 Eulu ola li la tonywa ngaashi omushangwatonywa nola kana po,+ neemhunda nosho yo eenhunhu adishe oda li da dja peenhele dado.+
15 Opo nee eehamba dokombada yedu, ovakwanepangelo, ovawiliki vomatangakwaita, oipuna, ovanaenghono, ovapika novamangululwa aveshe ova hondama momakololo nomomamanya eemhunda.+
16 Nova kala tava lombwele eemhunda nomamanya tava ti: “Wileni kufye+ noku tu amena kwaao e li omutumba kolukalwapangelo+ nokehandu lOdjona.+
17 Ndele molwaashi efiku lavo lehandu ole uya,+ olyelye ta dulu okukala ofika?”+
Omashangelo opedu
^ Tala Oshiw. B14.
^ Oshimaliwa shikukutu shoshisilveri shaRoma oshi fike pondjabi yefiku limwe. Tala Oshiw. B14.
^ Eln., “omunhu umwe womovanhu vane.”
^ Ile “O-Hades,” sha hala okutya, koufi. Tala Omafatululo oitya.
^ Tashi ulike komwenyo nohonde oyo ya tikila koaltari. Tala Omafatululo oitya.
^ Tashi dulika olududi loshikombo.
