Ehololo kuJohannes 16:1-21
16 Nonda uda ondaka ya ingida pombada ya dja monhele iyapuki+ tai lombwele ovaengeli vaheyali tai ti: “Indeni mu ka tile oiyaxa iheyali yehandu laKalunga kombada yedu.”+
2 Omweengeli wotete okwa ya, ndele ta tile oshiyaxa shaye kombada yedu.+ Opo nee ovanhu ovo ve na edidiliko loshilyani+ nohave linyongamene oshihongwafano+ shasho ova hepekwa neenghono koipute inyanyalifi.+
3 Omweengeli omutivali okwa tila oshiyaxa shaye mefuta.+ Opo nee omeva okwa li a shituka ohonde+ ya fa yomunhu a fya, noinamwenyo* aishe yomefuta+ oya fya.
4 Omweengeli omutitatu okwa tila oshiyaxa shaye momilonga nomeefifiya domeva,+ ndele omeva taa shituka ohonde.+
5 Opo nee onda uda omweengeli ou e na eenghono dokupangela omeva ta ti: “Kalunga, ove ou u li ko nowa kala ko,+ ou li omudiinini.+ Ou li omuyuki, eshi wa ninga etokolo eli,+
6 molwaashi ovanhu ovo va tilashi ohonde yovayapuki noyovaprofeti+ owe va nwefa ohonde,+ naasho ove shi lilongela.”+
7 Onda uda ondaka tai popi koaltari tai ti: “Jehova* Kalunga, Omunaenghono adishe,+ omatokolo* oye oku shii okulineekelwa noku li pauyuki.”+
8 Omweengeli omutine okwa tila oshiyaxa shaye ketango,+ netango ola li la pewa eenghono dokuxwika ovanhu nomundilo.
9 Ovanhu ova li tava pi koupyu wa hanya, ndele ponhele yokulidilulula nokufimaneka Kalunga oo a etifa omahandukilo oo, ova sheka edina laye.
10 Omweengeli omutitano okwa tila oshiyaxa shaye kolukalwapangelo loshilyani. Opo nee ouhamba washo owa hangwa komilaulu,+ novanhu ova hovela okulikwesha komayoo omolwouyehame,
11 ndele ponhele yokulidilulula koilonga yavo, ova sheka Kalunga komeulu omolwouyehame nomolwoipute yavo.
12 Omweengeli omutihamano okwa tila oshiyaxa shaye momulonga munene waEufrat,+ ndele omeva taa pwiinine,+ opo a longekidile ondjila eehamba+ daako haku piti etango.*
13 Onda mona eemhepo nhatu da nyata* da fa omafuma tadi di mokanya kongadu,+ mokanya koshilyani nomokanya komuprofeti omunaipupulu.
14 Eemhepo odo oda nwefwa mo keendemoni nohadi longo oikumwifilonga,*+ notadi ka ya keehamba dokombada yedu alishe noku di ongaleka, opo di ka lwe oita+ mefiku linene laKalunga Omunaenghono adishe.+
15 “Tala! Ohandi uya ngaashi ombudi.+ Ou ta kala oupafi+ nokwa djala oikutu yaye aha ende hamunghele, opo ovanhu vehe mu mone, ndele ta fi ohoni,+ ota kala a hafa.”
16 Eemhepo da nyata oda ongaleka eehamba ponhele hai ifanwa mOshiheberi Armagedon.*+
17 Omweengeli omutiheyali okwa tila oshiyaxa shaye momhepo. Opo nee kolukalwapangelo lomonhele iyapuki+ okwa udika ondaka ya ingida pombada tai ti: “Sha longwa sha pwa!”
18 Opa li pa holoka omaluvadi, pa udika eendaka nomingungumo nopa ningwa ekakamo ledu linenenene olo inali monika nande onale kombada yedu.+
19 Oshilando shinene+ osha li sha tukulwa moitukulwa itatu, noilando yoiwana oya li ya teka po, na Kalunga okwa li a dimbuluka Babilon Shinene+ e shi pe eholo lomaviinyu ehandu laye linene.+
20 Eenhunhu neemhunda adishe oda li da halakana po.+
21 Opo nee meulu omwa dja eemhawe dinene di na ondjudo yoshitalenti* noda wila ovanhu,+ ndele tava sheke Kalunga omolwehandukilo leemhawe odo,+ molwaashi oda longa oushada neenghono.
Omashangelo opedu
^ Ile “neemwenyo.”
^ Ile “omatokolo opamhangu.”
^ Eln., “dokoushilo.”
^ Ile “eendjovo da nwefwa mo nhatu.”
^ Eln., “omadidiliko.”
^ MOshigreka, Har Magedon, sha dja koshitya shOshiheberi tashi ti “Omhunda yaMegiddo.”
^ Oshitalenti shOshigreka oshi fike peekilograma 20,4. Tala Oshiw. B14.
