Ehololo kuJohannes 11:1-19
11 Nonda pewa olumbungu la fa odibo,*+ naau e li pa nge okwa ti: “Fikama nokuyeleka otembeli yaKalunga iyapuki nosho yo oaltari nokuvalula ovo ve li mo tave mu longele.
2 Ndele omukala wokombada wotembeli iyapuki ino u yeleka, molwaashi owa pewa oiwana, notai ka lyataula oshilando shiyapuki+ oule weemwedi 42.+
3 Ohandi ka tuma eendombwedi dange mbali di ka xunganeke oule womafiku 1 260, da djala eeshako.”
4 Eendombwedi odo odi lilwe po komiti mbali deemono+ nokoikwatelwalamba+ ivali oyo i li ofika komesho yOmwene wedu.+
5 Ngeenge ope na ou a hala oku di ningila owii, momakanya ado otamu di omundilo u hanaune po ovatondi vado. Keshe ou a hala oku di ningila owii, osho ta ka dipawa ngaho.
6 Eendombwedi odo odi na eenghono dokukelela kewangadjo,*+ opo odula iha loke+ oule wefimbo olo tadi xunganeke, nodi na eenghono dokushitukifa omeva ohonde+ nosho yo dokweetela edu oiponga i lili noku lili ngaashi da hala.
7 Shimha da mane okuxunganeka, otapa ka holoka oshilyani tashi di mombwili, osho tashi ke di lwifa noku di finda, ndele tashi di dipaa.+
8 Noimhu yado otai ka kangavala mepandavanda la kula loshilando shinene omo mwa dipaelwa Omwene wado komuti, noshilando osho otashi ifanwa pafaneko Sodom naEgipiti.
9 Novanhu vahapu, omihoko, omalaka noiwana otava ka tala oimhu yeendombwedi odo oule womafiku atatu netata,+ ndele itava ka pitika nande di pakwe mombila.
10 Noonakukala kombada yedu otava ka paafana eeshali, tava ka hafa nokunyakukilwa efyo leendombwedi odo mbali, molwaashi oda li hadi va hepeke.
11 Konima yomafiku atatu netata, Kalunga okwe di fudila omufudo womwenyo,+ ndele tadi nyumuka, naavo ve di mona ova li va tila unene.
12 Ndele oda uda ondaka ya ingida okudja meulu ya tya kudo: “Ileni oku.” Opo nee oda ya meulu moilemo, novatondi vado ove di mona.*
13 Pefimbo opo tuu opo, opa li pa holoka ekakamo ledu linene, ndele tali teya po oshitimulongo shoshilando, nola dipaa ovanhu 7 000, naavo va xupa po ova li va tila, ndele tava hambelele Kalunga komeulu.
14 Owoo onhivali+ oya pita po. Tala! Owoo onhinhatu otai ka holoka diva.
15 Omweengeli omutiheyali okwa shika enghuma laye.+ Nopa udika eendaka tadi ingida mokule okudja meulu tadi ti: “Ouhamba wounyuni owa ninga wOmwene wetu+ nowaKristus waye,+ nota ka pangela e li ohamba alushe fiyo alushe.”+
16 Opo nee ovakulunhu 24,+ ovo ve li komalukalwapangelo avo oo e li komesho yaKalunga, ove linyongamena, ndele tava hambelele Kalunga
17 tava ti: “Ohatu ku pandula Jehova* Kalunga, Omunaenghono adishe, ou u li ko+ nowa kala ko, molwaashi owa holola eenghono doye dinene nowa hovela okupangela u li ohamba.+
18 Ndele oiwana oya handuka neenghono, eshi ya hangika kehandu loye nokeufwafimbo lokutokola oonakufya nolokupa ondjabi+ ovapiya voye ovaprofeti,+ ovayapuki, ovo hava fimaneke edina loye, eehepele noipuna, nosho yo lokuhanauna po ovo tava nyono* edu.”+
19 Ndele otembeli yaKalunga iyapuki oo e li meulu oya yeuluka, nonda mona oshikefa shehangano shi li motembeli yaye iyapuki.+ Onda mona yo omaluvadi nonda uda eendaka nomingungumo nopa holoka ekakamo ledu neemhawe dinene.
