Ehololo kuJohannes 10:1-11
10 Nonda mona omweengeli umwe e na eenghono ta di meulu a dingilwa* koshilemo, komutwe waye okwa li ku na outa wodula, oshipala shaye osha li sha fa etango,+ nomaulu* aye okwa li taa monika a fa eengudi da tema omundilo.
2 Okwa li e na meke laye omushangwatonywa munini inau tonywa. Omhadi yaye yokolulyo oya li ya lyata mefuta, ofimbo yokolumosho ya lyata kedu.
3 Opo nee okwa ingida mokule ngaashi onghoshi tai kumbu.+ Konima eshi a ingida, eendaka domingungumo heyali+ oda popya.
4 Eshi omingungumo heyali da popya, hanga onda shanga osho da ti, ndele onda uda ondaka ya popya okudja meulu+ tai ti: “Oinima oyo ya popiwa komingungumo heyali, ino i shanga, i kaleka oshiholekwa.”
5 Omweengeli oo nda mona e li ofika a lyata mefuta nokedu okwa ulika keulu neke laye lokolulyo,
6 nokwa ana kwaau ta kala ko alushe fiyo alushe,+ ou a shita eulu noinima oyo i li mo, edu noinima oyo i li ko, nefuta noinima oyo i li mo+ ta ti: “Kape na vali efimbo lokwoongaonga.
7 Ashike pomafiku oo eshi omweengeli omutiheyali+ a li pokushika enghuma laye,+ oshiholekwa shiyapuki+ osho Kalunga a hepaulula shi li onghundana iwa kovapiya vaye ovaprofeti+ osha wanifwa.”
8 Opo nee onda uda ondaka ya dja meulu+ tai lombwele nge tai ti: “Inda u ka kufe ko omushangwatonywa inau tonywa u li meke lomweengeli oo e li ofika a lyata mefuta nokedu.”+
9 Onda ya komweengeli oo, ndele handi mu lombwele a pe nge omushangwatonywa oo munini. Opo nee okwa tya kwaame: “U tambula, ndele to u li po,+ otau ke ku ehameka medimo, ashike mokanya koye otau ka kala u nyenye ngaashi omaadi eenyiki.”
10 Onda kufa ko omushangwatonywa oo munini komweengeli, ndele handi u li po,+ nowa li munyenye mokanya kange ngaashi omaadi eenyiki,+ ashike owa ehameka nge medimo.
11 Opo nee onda lombwelwa taku ti: “Twikila okuxunganekela ovanhu, oiwana, omalaka neehamba dihapu.”
