nganggep kesusahan kuwi akibat saka tumindak sing ditindakké saiki utawa ing urip sakdurungé. Wong isa moksa, maksudé ora ngalami réinkarnasi * manèh, nèk wong kuwi nolak kabèh kesenengan sing ana ing donya.

percaya nèk kesusahan kuwi hukuman lan ujian iman. Presiden saka Islamic Society of North America, Dr. Sayyid Syeed, ngomong nèk kesusahan kuwi ana bèn awaké dhéwé ”terus éling pentingé ngucap syukur kanggo kabèh berkah saka Gusti Allah lan ngerti pentingé mbantu wong liya”.

mulangké nèk kesusahan ana merga apa sing awaké dhéwé tindakké. Ana wong-wong Yahudi sing nduwé pendapat nèk bakal ana kebangkitan, yaiku sarana bèn wong apik sing ngalami kesusahan isa éntuk keadilan. Terus, ana kepercayaan Yahudi liyané sing mulangké soal réinkarnasi. Réinkarnasi dadi kesempatan kanggo wong sing salah bèn isa mertobat.

percaya nèk kesusahan bakal terus dialami manungsa nganti wong kuwi ora mikirké lan nindakké sing salah manèh. Wong bakal ngrasakké nirwana, utawa ora ngrasakké kesusahan manèh, nèk wong kuwi wicaksana, nindakké sing apik, lan ora mikirké sing salah.

percaya nèk akèh-akèhé kesusahan kuwi ana merga ”kesalahané manungsa”. Kuwi sing ditulis ing A Dictionary of Comparative Religion. Buku kuwi ya ngomong senajan manungsa isa ngurangi kesusahané liwat tumindaké sing apik, ning ”ana makhluk roh sing nggawé manungsa ngalami kesusahan. Nèk wis ngono, manungsa mung isa nampa takdiré”.

nganggep nèk kesusahan kuwi ana merga ilmu gaib. Wong-wong kuwi percaya nèk dukun isa nggawé nasibé wong-wong dadi apik utawa èlèk, lan wong-wong kuwi kudu nindakké ritual bèn kesusahané berkurang. Mula, wektu lara merga disanthèt, wong-wong kuwi kudu nindakké ritual lan njaluk obat saka dukun bèn isa mari.

percaya nèk kesusahan kuwi ana merga dosa pasangan manungsa sing pertama, kaya sing dicathet Alkitab ing buku Purwaning Dumadi. Ning, akèh sing nambah-nambahi ajaran kuwi. Contoné, ana wong-wong Katolik sing ngomong nèk kesusahan kuwi isa dipasrahké marang Gusti Allah bèn Dhèwèké mberkahi greja. Ana manèh sing nganggep nèk Gusti Allah mènèhi awaké dhéwé kesusahan bèn wong liya ora susah.