Proverbio 4:1-27
4 Umimdengkayo, O annak, iti disiplina ti ama+ ket ipangagyo, tapno maammuanyo ti pannakaawat.+
2 Ta ti naimbag a pammilin isu ti sigurado nga itdek kadakayo.+ Dikay baybay-an ti lintegko.+
3 Ta nagbalinak a pudpudno nga anak iti amak,+ naganus ken ti kakaisuna iti sanguanan ti inak.+
4 Ket isuronak+ ken kunaenna kaniak: “Ti pusom+ agtultuloy koma a salimetmetanna a siiirut dagiti saok.+ Salimetmetam dagiti bilinko ket agtultuloyka nga agbiag.+
5 Gun-odem ti sirib,+ gun-odem ti pannakaawat.+ Saanmo a lipaten, ket dika sumiasi iti sasao ti ngiwatko.+
6 Saanmo a panawan dayta, ket aywanannakanto. Ayatem dayta, ket saluadannakanto.
7 Ti sirib isu ti kangrunaan a banag.+ Gun-odem ti sirib; ket kadagiti amin a gun-odem, gun-odem ti pannakaawat.+
8 Ipategmo dayta iti kasta unay, ket itan-oknakanto.+ Idaydayawnakanto agsipud ta arakupem dayta.+
9 Ita ulom mangipaayto iti balangat ti kayaw;+ maysa a korona ti kinapintas ti itdennanto kenka.”+
10 Denggem, anakko, ken awatem ti sasaok.+ Iti kasta ti tawtawen ti biag umadunto agpaay kenka.+
11 Isurokanto iti mismo a dalan ti sirib;+ pabaddekenkanto kadagiti desdes ti kinapalungdo.+
12 Inton magnaka, ti addangmo saanto a mailetan;+ ket no agtarayka, saankanto a maitibkol.+
13 Petpetam ti disiplina;+ saanmo a palusposan.+ Saluadam dayta, ta dayta ti biagmo.+
14 Iti dana dagidiay nadangkes dika sumrek,+ ket dika magna nga agtartarus iti dalan dagidiay dakes.+
15 Adaywam dayta,+ dika lumasat iti dayta;+ sumiasika iti dayta, ket labsam.+
16 Ta saanda a maturog malaksid no agaramidda iti kinadakes,+ ket ti turogda narabsut malaksid no makaitibkolda iti asinoman.+
17 Ta pinakanda ti bagbagida iti tinapay ti kinadangkes,+ ket ti arak ti ar-aramid ti kinaranggas isu ti inumenda.+
18 Ngem ti dana dagidiay nalinteg ket kas iti naraniag a lawag a lumawlawag a lumawlawag agingga nga immaldaw unayen.+
19 Ti dalan dagidiay nadangkes ket kas iti daguyemyem;+ saanda a naammuan no ania ti agtultuloy a pakaitibkolanda.+
20 Anakko, ipangagmo dagiti saok.+ Iyallingagmo ti lapayagmo iti sasaok.+
21 Saanda koma a pumanaw kadagita matam.+ Salimetmetam ida iti tengnga ta pusom.+
22 Ta isuda ti biag kadagidiay makasarak kadakuada+ ken salun-at iti isuamin a lasagda.+
23 Ad-adda ngem iti isuamin a sabali pay a maaluadan, saluadam ta pusom,+ ta aggubuay iti dayta dagiti ubbog ti biag.+
24 Ikkatem kenka ti kinakillo iti panagsao;+ ket ti kinasikap dagiti bibig iyadayom kenka.+
25 No maipapan kadagita matam, rebbeng a kumitada a sililinteg iti sanguanan,+ wen, dagita bukodmo nga agsilnasilnag a mata rebbeng a kumitada a sililinteg iti sanguanam.+
26 Palanasem ti turongen ta sakam,+ ket amin a bukodmo a daldalan maipasdek koma a sititibker.+
27 Dika agannayas iti makannawan wenno iti makannigid.+ Ikkatem ta sakam iti dakes.+
