Proverbio 1:1-33
1 Dagiti proverbio+ ni Solomon+ nga anak ni David,+ ti ari ti Israel,+
2 tapno ti maysa maammuanna ti sirib+ ken disiplina,+ mailasinna ti sasao ti pannakaawat,+
3 awatenna ti disiplina+ a mangipaay iti pannakatarus,+ kinalinteg+ ken panangukom+ ken kinapalungdo,+
4 mangipaay iti kinasaririt+ kadagidiay awanan kapadasan, iti maysa nga agtutubo pannakaammo+ ken pannakabael nga agpanunot.+
5 Ti masirib a tao umimdengto ken gumun-od iti ad-adu pay a pammilin,+ ket ti tao nga addaan pannakaawat isu daydiay manggun-od iti nasigo a panangiwanwan,+
6 tapno maawatanna ti proverbio ken ti mamagpanunot a sasao,+ dagiti sao ti masirib a tattao+ ken dagiti burburtiada.+
7 Ti panagbuteng ken Jehova isu ti punganay ti pannakaammo.+ Ti sirib ken disiplina isuda ti um-umsien dagiti maag laeng.+
8 Umimdengka, anakko, iti disiplina ni amam,+ ket saanmo a baybay-an ti linteg ni inam.+
9 Ta dagita ket balangat ti kinapintas iti ulom+ ken nadarisay a kuentas iti karabukobmo.+
10 Anakko, no padasendaka nga allilawen dagiti managbasol, dika umannugot.+
11 No kunkunaenda: “Kumuyogka kadakami. Sumanebtayo iti dara.+ Aglemmengtayo a mangtambang nga awan gapgapuna kadagiti awanan basol a tattao.+
12 Alun-onentayo ida a sibibiag+ a kas iti Sheol,+ uray sibubukel, kas kadagidiay agpababa iti abut.+
13 Sarakentayo ti amin a kita dagiti napateg a sanikua.+ Punnuentayo dagiti balaytayo iti samsam.+
14 Makibinnunotanka koma kadakami. Adda koma maymaysa laeng a supot nga agpaay kadatayo amin”+—
15 anakko, dika kumuyog kadakuada iti dalan.+ Igawidmo ta sakam manipud danada.+
16 Ta dagiti sakada isuda dagidiay agtaray nga agturong iti bin-ig a kinadakes,+ ket aggangganatda a mangibukbok iti dara.+
17 Ta iti awan kapapay-anna a maiwayat ti iket iti imatang ti aniaman a nagtagipayak.+
18 Gapuna isuda sanebenda ti mismo a dara dagitoy;+ aglemmengda a mangtambang kadagiti kararuada.+
19 Kasta dagiti dana ti tunggal maysa a gumunggun-od iti nakillo a gunggona.+ Ikkatenna ti mismo a kararua dagiti makinkukua iti dayta.+
20 Ti met laeng pudno a sirib+ agpukpukkaw a sipipigsa iti mismo a kalsada.+ Kadagiti publiko a plasa iyes-esngawna ti timekna.+
21 Iti makinngato nga ungto dagiti naariwawa a kalsada agpukpukkaw dayta.+ Kadagiti pagserkan dagiti ruangan nga agturong iti siudad sawenna ti bukodna a sasao:+
22 “Kasanonto kabayag a dakayo nga awanan kapadasan itultuloyyo nga ayaten ti kinaawan kapadasan,+ ket kasano kabayag koma a dakayo a managuy-uyaw tarigagayanyo maipaay iti bagbagiyo ti nalawag a pananguyaw,+ ket kasano kabayagto a dakayo a maag itultuloyyo a guraen ti pannakaammo?+
23 Sumublikayo iti pannubngarko.+ Iti kasta pagburayokekto kadakayo ti espirituk;+ ipakaammokto kadakayo ti sasaok.+
24 Agsipud ta immayabak ngem agkitkitakitkayo,+ inyunnatko ti imak ngem awan ti mangikaskaso,+
25 ket liwliwayanyo ti isuamin a pammatigmaanko,+ ket ti pannubngarko saanyo nga inawat,+
26 siak met, iti biangko, agkatawaakto iti mismo a pannakadidigrayo,+ agrabrabakakto inton dumteng ti pagalinggagetanyo,+
27 inton ti pagalinggagetanyo dumteng a kas iti bagyo, ket ti mismo a pannakadidigrayo makagteng ditoy a kas iti bagyo nga angin,+ inton dumteng kadakayo ti riribuk ken naririgat a tiempo.+
28 Iti dayta a tiempo agtultuloy nga awagandakto, ngem saanak a sumungbat;+ agtultuloy a sapulendakto, ngem saandakto a masarakan,+
29 iti rason a ginurada ti pannakaammo,+ ket saanda a pinili ti panagbuteng ken Jehova.+
30 Saanda nga immannugot iti pammatigmaanko;+ saanda a rinaem ti isuamin a pannubngarko.+
31 Gapuna mangandanto manipud iti bunga ti dalanda,+ ket mamelmelandanto kadagiti bukodda a pammatigmaan.+
32 Ta ti panaglikud+ dagidiay awanan kapadasan isunto ti mangpapatay kadakuada,+ ket ti kinaaleng-aleng ti maag isunto ti mangdadael kadakuada.+
33 No maipapan iti daydiay umim-imdeng kaniak, agtaengto iti kinatalged+ ket saanto a masinga manipud alinggaget ti didigra.”+
