Proverbio 12:1-28
12 Ti managayat iti disiplina managayat iti pannakaammo,+ ngem ti gumurgura iti pannubngar awan nakemna.+
2 Daydiay naimbag makagun-od iti anamong manipud ken Jehova,+ ngem ti tao nga addaan kadagiti nadangkes a kapanunotan ibatadna a nadangkes.+
3 Awan ti tao a maipasdekto a sititibker babaen iti kinadangkes;+ ngem no maipapan iti pamuon a ramut dagidiay nalinteg, saanto a mabariring.+
4 Ti makabael nga asawa a babai ket korona iti makinkukua kenkuana,+ ngem kas kinarinuker kadagiti tulangna daydiay agtignay a nakababain.+
5 Ti pampanunot dagidiay nalinteg ket hustisia;+ ti panangiturong dagidiay nadangkes ket allilaw.+
6 Ti sasao dagidiay nadangkes ket maysa a panagpadpadaan iti dara,+ ngem ti ngiwat dagidiay napalungdo isunto ti mangispal kadakuada.+
7 Adda pannakaduprak dagidiay nadangkes ket awandan,+ ngem ti mismo a balay dagidiay nalinteg agtalinaedto a sitatakder.+
8 Gapu iti ngiwatna kas masirib maidaydayawto ti maysa a tao,+ ngem ti maysa a tiritir iti puso agpaayto iti pannakaumsi.+
9 Nasaysayaat daydiay nalag-an ti pannakaipategna ngem addaan adipen ngem iti daydiay mangipadpadayag iti bagina ngem awanan iti tinapay.+
10 Daydiay nalinteg ipategna ti kararua ti naamo nga animalna,+ ngem naulpit dagiti asi dagidiay nadangkes.+
11 Daydiay mangtalon iti dagana mapnekto a mismo iti tinapay,+ ngem daydiay mangsurot iti awanan pateg a bambanag awanan iti puso.+
12 Daydiay nadangkes tinarigagayanna ti nabatengan nga inanupan dagiti dakes a tattao;+ ngem no maipapan iti ramut dagidiay nalinteg, agbunga.+
13 Gapu iti panagsalungasing dagiti bibig masiluan ti dakes a tao,+ ngem daydiay nalinteg lumapsut iti rigat.+
14 Manipud iti bunga ti ngiwat ti maysa a tao isu mapnek iti naimbag,+ ket ti mismo nga aramid ti im-ima ti maysa a tao agsublinto kenkuana.+
15 Ti dalan daydiay maag umiso iti bukodna a matmata,+ ngem daydiay umimdeng iti pammatigmaan masirib.+
16 Maag a tao ti mangipakaammo iti panagluksawna iti isu met laeng nga aldaw,+ ngem daydiay nasaldet mangabbong iti pannakaibabain.+
17 Daydiay agyesngaw iti kinamatalek ibagananto no ania ti nalinteg,+ ngem ti ulbod a saksi, panangallilaw.+
18 Adda daydiay agsasao a siaaleng-aleng a kas kadagiti panangsugat ti kampilan,+ ngem ti dila dagidiay masirib ket makapaimbag.+
19 Ti bibig ti kinapudno+ isunto ti maipasdek a sititibker iti agnanayon,+ ngem ti dila ti kinaulbod agingganto laeng iti apagkanito.+
20 Ti panangallilaw adda iti puso dagidiay mangpartuat iti pannakadangran,+ ngem dagidiay mangipatigmaan iti talna addaanda iti panagrag-o.+
21 Awanto ti makapasakit a mapagteng iti daydiay nalinteg,+ ngem dagiti nadangkes isudanto dagidiay sigurado a mapno iti didigra.+
22 Dagiti ulbod a bibig nakarimrimonda ken Jehova,+ ngem dagidiay agtignay iti kinamatalek makaparagsakda kenkuana.+
23 Ti nasaldet a tao abbonganna ti pannakaammo,+ ngem ti puso dagidiay maag isu daydiay mangipukkaw iti kinamaag.+
24 Ti ima dagidiay nasaet isunto ti agturay,+ ngem ti managbaybay-a nga ima agpaayto iti pinuersa a panagtrabaho.+
25 Ti panagdanag nga adda iti puso ti maysa a tao isunto ti mamagrukob iti dayta,+ ngem ti naimbag a sao isu ti mamagrag-o iti dayta.+
26 Daydiay nalinteg simisimenna ti bukodna a pagpaaraban, ngem ti mismo a dalan dagidiay nadangkes pagallaallaenna ida.+
27 Ti kinamanagbaybay-a saannanto a kamaten dagiti aanupen nga animal ti maysa,+ ngem daydiay nasaet isu ti napateg a kinabaknang ti maysa a tao.
28 Iti dana ti kinalinteg adda biag,+ ket ti panagbaniaga iti dasdasna kaipapananna ti saan nga ipapatay.+
