Oseas 14:1-9
14 «O, Israel, itzuli zaitez Jehobarengana, zure Jainkoarengana,zeren zure akatsen erruz erori zara*.
2 Itzuli zaitezte Jehobarengana, eta esaiozue:“Barkatu gure akatsak eta onartu gure gauza onak,eta gure ezpainen fruitua eskainiko dugu, zezen gazteak eskainiko bagenitu bezala.
3 Asiriak ez gaitu salbatuko.
Ez gara zaldietan ibiliko,eta gure eskuekin egindakoari ez diogu gehiago esango: ‘O, gure Jainkoa!’.Izan ere, zu zara umezurtzari* errukia erakusten diozuna”.
4 Nik sendatuko dut beraien desleialtasuna.
Neure borondatez maitatuko ditut,nire haserrea beraiengandik urrundu baita.
5 Ihintza* bezalakoa izango naiz Israelentzat;lirioa bezala loratuko da Israel,eta sustrai sakonak botako ditu, Libanoko zuhaitzenak bezalakoak.
6 Bere adartxoak zabaldu egingo dira,bere edertasuna olibondoarena bezalakoa izango da,eta bere usaina Libanokoa bezain goxoa.
7 Nire itzalpean biziko dira berriro.
Zereala landuko dute eta mahastiari bezala kimu berriak aterako zaizkie.
Nire ospea Libanoko ardoa bezalakoa izango da.
8 Efraimek esango du: “Ba al dut oraindik zerikusirik idoloekin?”.
Nik erantzun egingo diot eta zaindu egingo dut.
Hostoz betetako ipuru zuhaitz bat bezalakoa izango naiz.
Zure fruitua niregandik etorriko da».
9 Nor da jakintsua? Ulertu ditzala gauza horiek.
Nor da zentzuduna? Ezagutu ditzala.
Izan ere, Jehobaren bideak zuzenak dira,eta bertatik ibiliko dira justuak direnak,baina bertan estropezu egingo dute bekatariek.
