ጊዜያዊ ሠራተኞች አዳዲስ ፋይበርግላሶችን (ከሕንፃው ሙቀት እንዳይወጣ የሚከላከሉ የሕንፃ መሣሪያዎች) ከእርጥበት ለመከላከል በላስቲክ እያሸጉ ነው። ሠራተኞቹ ቆዳቸው ጉዳት እንዳይደርስበት ሰውነታቸውን የሚሸፍን መከላከያ ይለብሳሉ።

ሠራተኞች የፊሊፒኖ የምልክት ቋንቋ ቀረጻ የሚደረግበትን ስቱዲዮ ኮርኒስ ሥራ እያጠናቀቁ ነው። በጣሪያው ላይ የሚገኙት የአራት ማዕዘን ቅርጽ ያላቸው ቀዳዳዎች በስቱዲዮው ውስጥ የተጣራ አየር በእኩል መጠን እንዲዳረስ የሚያስችሉ መሣሪያዎች (HVAC diffusers) ይገጠሙባቸዋል።

ማዕከላዊ የውኃ መስመር ለመዘርጋት ቁፋሮ እየተደረገ ነው። አዲሱ የውኃ መስመር በቅርንጫፍ ቢሮው ውስጥ ለሚገኙ ሕንፃዎች በሙሉ አገልግሎት ይሰጣል።

ይህ መከለያ ያለው አዲስ ድልድይ የመመገቢያ አዳራሹ የሚገኝበትን ሕንፃ 1ን ጨምሮ ሁሉንም ዋና ዋና ሕንፃዎች ያገናኛል። ድልድዩ በተለይ ከ300 በላይ ለሆኑት በሕንፃ 7 ላይ የሚሠሩ ሰዎች ጠቃሚ ነው።

ሃምሳ ቶን የሚመዝን ክሬን (የከባድ ዕቃ ማንሻ) የጣሪያ ክዳን ለመሥራት የሚያገለግል ዕቃ እያነሳ ነው። የአካባቢው የሕንፃ ተቋራጮች የተለያየ ክብደት ያላቸውን ክሬኖች ያንቀሳቅሳሉ።

መቶ ሃያ አምስት ሜትር ካሬ ስፋት ያለው ይህ ባለ አንድ ፎቅ ሕንፃ ደረጃ፣ ሊፍትና ሁለት መጸዳጃ ቤቶች አሉት። መጸዳጃ ቤቱና ደረጃው እዚህ ሕንፃ ላይ መሆናቸው ከአጠገቡ በሚገኘው ሕንፃ 5 ላይ ተጨማሪ ቦታ እንዲገኝ አስችሏል። ሊፍቱ ሕንፃ 5 ውስጥ ሳይሆን በዚህ ሕንፃ ውስጥ መደረጉ በቪዲዮ ወይም በድምፅ ቅጂ ወቅት የሊፍቱ ድምፅ እንዳይረብሽ ያስችላል።

ሠራተኞች ጥላ ሥር ሆነው ፌሮ እያሰሩ ነው። የቀኑ ከፍተኛ ሙቀት በጥር ወር በአማካይ 29 ዲግሪ ሴንቲ ግሬድ ገደማ ሲሆን በሚያዝያ ወር ደግሞ 34 ዲግሪ ሴንቲ ግሬድ ገደማ ይደርሳል።

ሠራተኞች የጣሪያውን ውቅር ለማጠናከር ጣውላ ይጠቀማሉ። ሕንፃ 5ን ለመገንባት 800 ገደማ የሚሆኑ ጠንካራ እንጨቶች ጥቅም ላይ ውለዋል።

ሠራተኞች አነስ ላለ ፕሮጀክት የሚያስፈልጋቸውን ሲሚንቶ እያቦኩ ነው። ከ100 በላይ ሠራተኞች ለግንባታ ሥራው ድጋፍ እያደረጉ ነው፤ እነዚህ ሠራተኞች የመጡት ከስፔን፣ ከኒውዚላንድ፣ ከአውስትራሊያ፣ ከካናዳ፣ ከዩናይትድ ስቴትስ፣ ከደቡብ ኮሪያ፣ ከጃፓንና ከሌሎች አገሮች ነው።

ሠራተኞች የሕንፃ 5ን ጣሪያ ቆርቆሮ እያለበሱ ነው፤ ቀደም ሲል የትርጉም ክፍሉ የነበረው በዚህ ሕንፃ ላይ ነበር። ሕንፃው የኦዲዮ/ቪዲዮ ክፍልና የአገልግሎት ዘርፍ እንዲጠቀሙበት ሲባል እድሳት እየተደረገለት ነው።

አንዲት ሠራተኛ የብረት መቁረጫ መሣሪያ ተጠቅማ የቢሮ ግድግዳዎችን ክፈፍ ለመሥራት የሚያገለግሉ ትናንሽ ብረቶችን እየቆራረጠች ነው።