Sɛ gbi nɛ Mawu ngɛ kɛ ha wɔ mwɔnɛ ɔ ngɛ Baiblo ɔ mi. E tsɔɔ wɔ bɔ nɛ waa ba wa je mi ha konɛ waa ye manye, kɛ nɔ́ nɛ wa maa pee konɛ waa sa Mawu hɛ mi. E ha sanebimihi nɛ nyɛɛ se nɛ ɔmɛ hu a heto:

BLƆ NƆ NƐ O MAA GU KƐ NA BAIBLO KUKU ƆMƐ

Womi nyafinyafi 66 lɛ ngɛ Baiblo ɔ mi. A gba mi enyɔ: kekle fã a ji Hebri kɛ Aram Ngmami ɔ (“Somi Momo ɔ”) nɛ fã enyɔne ɔ ji Hela Ngmami ɔ (“Somi Ehe ɔ”). A gba Baiblo womi ɔmɛ eko fɛɛ eko mi kɛ wo yihi kɛ kukuhi a mi. Ke a tsɛ ngmami ko se ɔ, kekle yibɔ nɛ nyɛɛ womi ɔ biɛ ɔ se ɔ ji e yi, nɛ yibɔ nɛ tsa nɔ ɔ ji kuku loo kukuhi. Kaa nɔ hyɛmi nɔ́ ɔ, nɔ́ nɛ 1 Mose 1:1 tsɔɔ ji, Mose kekleekle womi yi 1, kuku 1.