“Oo sɔlemi Tue Bulɔ, o ngɔ lɛ nimli slɔɔtohi tsuo maa ba.”

La 65:2

“Ngɔɔ o hɛ kɛ fɔ Yehowa nɔ kɛ o tsui tsuo, koo ngɔ o hɛ kɛ fɔ mo nitsɛ o nɔ́ sisi numi nɔ. Ngɛ nɔ́ fɛɛ nɔ́ mi ɔ, mo kai lɛ, nɛ e ma ha nɛ o blɔ ɔmɛ maa da tlɔmɔɔ.”

Abɛ 3:5, 6

“Ke nɔ ko ma ná neneene wami ɔ, e he hia nɛ e ya nɔ nɛ e le mo anɔkuale Mawu kake pɛ ɔ, kɛ Yesu Kristo, nɔ nɛ o tsɔ ɔ.”

Yohane 17:3

“[Mawu] kɛ wa ti nɔ fɛɛ nɔ he kɛ we.”

Ní Tsumi 17:27

“Nɛ i yaa nɔ nɛ i sɔleɔ kaa nyɛ suɔmi ɔ nɛ e ya nɔ nɛ e hiɛ kɛ be nɔ babauu nitsɛ pe kekle ɔ ngɛ nile nitsɛnitsɛ kɛ nɔ́ se kɔmi nɛ pi si ɔ mi.”

Filipibi 1:9

 “Ke nyɛ ti nɔ ko hia juɛmi ɔ, e ya nɔ nɛ e bi Mawu, nɛ e ma ha lɛ, ejakaa e haa nihi tsuo nɔ́ faa nɛ́ hɛ mi kami be mi.”

Yakobo 1:5

“Nyɛɛ hɛ kɛ su Mawu he, nɛ e maa hɛ kɛ su nyɛ he. Nyɛ fɔ nyɛ dɛ nyɛ yayami peeli, nɛ nyɛ ha nɛ nyɛ tsui mi nɛ tsɔ, nyɛ yi mi enyɔɔnyɔtsɛmɛ.”

Yakobo 4:8

“Ejakaa enɛ ɔ ji suɔmi nɛ wa suɔ Mawu ɔ nɛ, kaa wa maa ye e mlaa amɛ a nɔ; nɛ e mlaa amɛ ɔ, a pi tlomi.”

1 Yohane 5:3