SANE BIMI 1
Mɛnɔ Ji Mawu?
“Ha nɛ nihi nɛ́ a le kaa mo nɛ o biɛ ji Yehowa a, mo pɛ ji Nɔ Nɛ E Nɔ Kuɔ Pe Kulaa ngɛ zugba a nɔ tsuo.”
“Nyɛɛ le kaa Yehowa ji Mawu. Lɛ nɛ e bɔ wɔ, nɛ wa ji e níhi.”
“Imi ji Yehowa. Jã ji ye biɛ; i kɛ ye hɛ mi nyami ɔ be nɔ ko hae, nɛ i kɛ ye yi jemi ɔ be amaga ko hae.”
“Nɔ fɛɛ nɔ nɛ e tsɛɔ Yehowa biɛ ɔ, a ma he e yi wami.”
“Ngɛ anɔkuale mi ɔ, we fɛɛ we ɔ, nɔ ko lɛ e ma, se nɔ nɛ e pee níhi tsuo ji Mawu.”
“Nyɛ wo nyɛ yi nɔ nɛ nyɛɛ hyɛ hiɔwe. Mɛnɔ lɛ bɔ ní nɛ ɔmɛ? Lɛ ji nɔ nɛ e jeɔ mɛ kpo kaa tabo ngɛ a yibɔ nya; e kɛ mɛ tsuo a biɛ tsɛɔ mɛ. Ngɛ e he wami ngua a, kɛ e nyɛmi kpetekpleenyɛ ɔ nya a, kake ngmelu po laa we.”
Eko ɔ, O Bua Maa Jɔ Enɛ ɔ Hu He
ESSENTIAL BIBLE TEACHINGS
Anɛ Mawu Ngɛ Biɛ Lo?
Wa tsɛɔ Mawu ke Ope, Bɔlɔ, Nyɔmtsɛ kɛ ekpahi. Se Mawu biɛ nitsɛnitsɛ je kpo pe si 7,000 ngɛ Baiblo ɔ mi.
