“Ngɔɔ o tlomi ɔ kɛ fɔ Yehowa nɔ, nɛ e maa baa o yi. E be hae nɛ dalɔ nɛ nɔ si kɔkɔɔkɔ.”

La 55:22

“Nɔ nɛ bɔɔ mɔde kɛ toɔ níhi a blɔ nya a, e blɔ nya tomihi maa ye manye kokooko, se nihi tsuo nɛ a yeɔ oya kɛ peeɔ níhi ɔ maa ye ohia kokooko.”

Abɛ 21:5

“Koo ye gbeye, ejakaa i kɛ mo ngɛ. Koo ye tsui, ejakaa imi ji o Mawu ɔ nɛ. Ma wo mo he wami, ee, ma ye bua mo, i kɛ ye dami hiɔ nine ɔ maa pɛtɛ o he wawɛɛ.”

Yesaya 41:10

“Nyɛ ti mɛnɔ lɛ ke e ngɛ haoe ɔ, e ma nyɛ maa tsɔ e wami nya kɔni fã?”

Mateo 6:27

“Lɔ ɔ he ɔ, nyɛ ko hao kɔkɔɔkɔ ngɛ hwɔɔ he, ejakaa hwɔɔ hu ma kɛ lɛ nitsɛ e haomi. Ligbi fɛɛ ligbi kɛ e haomihi.”

Mateo 6:34

 “Nyɛɛ le níhi nɛ a he hia wawɛɛ ɔ.”

Filipibi 1:10

“Nyɛ ko hao ngɛ nɔ́ ko nɔ́ ko he, se mohu ngɛ nɔ́ fɛɛ nɔ́ mi ɔ, nyɛɛ gu sɔlemi kɛ pɛɛ kpami nɛ mi wa kɛ sina nɔ kɛ ha nɛ Mawu nɛ e le nyɛ ní bimi ɔmɛ; nɛ Mawu tue mi jɔmi ɔ nɛ pã níhi a sisi numi tsuo ɔ maa bu nyɛ tsui kɛ nyɛ juɛmi he kɛ gu Kristo Yesu nɔ.”

Filipibi 4:6, 7