“Mlaa womi nɛ ɔ nɛ ko je o nya mi, moo kane nɛ o pue o yi mi tɛ ngɛ he nyɔ kɛ pia, konɛ o ye níhi tsuo nɛ a ngma ngɛ mi ɔ nɔ sisiisi; ja jã loko níhi nɛ o peeɔ ɔ maa ye manye, nɛ o maa pee o ní ngɛ juɛmi mi.”

Yoshua 1:8

“A ya nɔ nɛ a wo a gbi nɔ kɛ kane womi ɔ, nɛ ji anɔkuale Mawu ɔ Mlaa a, nɛ a tsɔɔ sisi fitsofitso, nɛ a ha nɛ e mi tɛ̃ heii; lɔ ɔ he ɔ, a ye bua ni ɔmɛ nɛ a nu nɔ́ nɛ a ngɛ kanee ɔ sisi.”

Nehemia 8:8

‘Nɔ nɛ e nyɛɛ we ngɛ yiwutsotsɛmɛ a ga womi nya a ngɛ bua jɔmi. E bua jɔɔ Yehowa mlaa a he, nɛ e kaneɔ Mawu mlaa a, nɛ e pueɔ e yi mi tɛ ngɛ he nyɔ kɛ pia. Nɔ́ fɛɛ nɔ́ nɛ e peeɔ ɔ maa ye manye.’

La 1:1-3

“Benɛ Filipo ngɛ fo tue ngɛ e kasa nya a, e nu nɛ e wo e gbi nɔ kɛ ngɛ gbalɔ Yesaya womi ɔ kanee, nɛ e bi lɛ ke: ‘Anɛ o ngɛ nɔ́ nɛ o ngɛ kanee ɔ sisi nue saminya lo?’ E de ke: ‘Ngɛ anɔkuale mi ɔ, ke nɔ ko yi bua we mi ɔ, kɛ ma plɛ kɛ nu sisi kɛɛ?’”

Ní Tsumi 8:30, 31

 “Kɛ je be nɛ e bɔ je ɔ kɛ ma nɛ ɔ, a naa e suhi nɛ a nɛ kɛ hɛngmɛ, nɛ ji e he wami nɛ ngɛ daa a kɛ Mawu nɛ e ji ɔ heii. Ejakaa a guɔ níhi nɛ e bɔ ɔ nɔ kɛ yɔseɔ, lɔ ɔ he ɔ, a be nya jemi ko.”

Romabi 1:20

“Susu ní nɛ ɔmɛ a he wawɛɛ; ngɔɔ o he kɛ wo a mi kulaa, bɔ nɛ pee nɛ o nɔ yami ɔ nɛ je kpo heii konɛ nihi tsuo nɛ a na.”

1 Timoteo 4:15

“Nyɛ ha nɛ wa susu wa sibi a he nɛ́ wa ha nɛ wa sibi a nɔ gbagba nɛ e te, konɛ wa je suɔmi kpo, nɛ́ wa tsu ní tsumi kpakpahi, nɛ́ wa ko kua wa he nya nɛ wa hii buae ɔ.”

Hebribi 10:24, 25

“Ke nyɛ ti nɔ ko hia juɛmi ɔ, e ya nɔ nɛ e bi Mawu, nɛ e ma ha lɛ, ejakaa e haa nihi tsuo nɔ́ faa nɛ́ hɛ mi kami be mi.”

Yakobo 1:5