Yaa mi ní ɔ nɔ

2024

Yesu Gbenɔ ɔ Kaimi

Kɛ O Ma Ná Yesu Afɔle Sami ɔ He Se Ha Kɛɛ?

Wa ngɛ mo nine fɔe kɛ ba blɔ nya tomihi enyɔ nɛ a he we nɔ́ ko ɔ sisi:

  • Baiblo mi munyu klɛdɛɛ nɛ e yi ji “Gbogboehi A Si Tlemi ɔ Ji Gbenɔ Nɔ Kunimi Yemi!”

  • Yesu Gbenɔ ɔ Kaimi

Yesu Gbenɔ ɔ Kaimi

Hɔgba, March 24, 2024

Daa jeha a, Yehowa Odasefohi yeɔ Yesu gbenɔ Kaimi ɔ si kake kaa bɔ nɛ Yesu fã e se nyɛɛli ke a pee ɔ. Yesu de ke: “Nyɛɛ ya nɔ nɛ nyɛɛ pee enɛ ɔ nɛ nyɛ kɛ kai mi.”—Luka 22:19.

Hla He Nɛ A Maa Pee Kaimi ɔ Ngɛ

BAIBLO MI MUNYU KLƐDƐƐ

“Gbogboehi A Si Tlemi ɔ​—⁠Ji Gbenɔ Nɔ Kunimi Yemi!”

A maa tu munyu klɛdɛɛ nɛ ɔ Hɔ loo Hɔgba loko Kaimi ɔ maa su. E maa tsɔɔ mo bɔ nɛ o kɛ o suɔli ma ná gbogboehi a si tlemi ɔ he se ha.

Sanehi Nɛ Nihi Pɔɔ Bimi

Be enyɛmɛ nɛ blɔ nya tomi ɔ maa ye?

E maa ye ngmlɛfia kake loo nɔ́ nɛ sui jã.

Jije a maa pee ngɛ?

Mo bi Yehowa Odasefohi nɛ a ngɛ o kpɔ ɔ mi ɔ be kɛ he nɛ a maa pee ngɛ.

Anɛ o maa wo sika loko o maa ya lo?

Dɛbi.

A ma he sika ngɛ kpe ɔ sisi lo?

Dɛbi. Yehowa Odasefohi he we sika ngɛ a kpe ɔmɛ a sisi.

Tade pɔtɛɛ ko ngɛ nɛ nihi nɛ a maa ya a maa wo lo?

E ngɛ mi kaa tade pɔtɛɛ ko be nɛ nihi nɛ a maa ya kpe nɛ ɔ maa wo mohu lɛɛ, se Yehowa Odasefohi bɔɔ mɔde kaa a kɛ ga womi nɛ ngɛ Baiblo ɔ mi nɛ tsɔɔ kaa a kɛ humi peemi kɛ bu nɛ dla a he ɔ ma tsu ní. (1 Timoteo 2:⁠9) E he hia we nɛ o ngɔ níhi nɛ a he jua wa kɛ dla o he.

Mɛni maa ya nɔ ngɛ Kaimi ɔ sisi?

A kɛ la jeɔ kpe ɔ sisi nɛ a kɛ la gbeɔ nya, nɛ jehanɛ se hu, Yehowa Odasefo ɔmɛ a kpɛti nɔ kake sɔleɔ. Nɔ́ titli nɛ yaa nɔ ngɛ Kaimi ɔ sisi ji Munyu nɛ a tuɔ nɛ haa nɛ wa naa bɔ nɛ Yesu gbenɔ ɔ he hia ha, kɛ blɔ nɔ nɛ wa maa gu kɛ ná nɔ́ nɛ Mawu kɛ Kristo pee ha wɔ ɔ he se ɔ.

Mɛni be a maa ye Kaimi ɔ ngɛ jehahi nɛ maa ba a mi?

2024: Hɔgba, March 24

2025: Hɔ, April 12

2026: So, April 2

Ke o suɔ nɛ o le babauu ɔ, moo hyɛ videohi nɛ nyɛɛ se ɔ.

Kai Yesu Gbenɔ ɔ

Moo hyɛ bɔ nɛ hwɔɔ se si himi kpakpa nɛ Yesu gbenɔ ɔ ma ha nɛ wa ná a ma ji ha.

Mɛni He Je Nɛ Yesu Gbo?

Eko ɔ, o nu kaa Yesu ba gbo ngɛ wa yayami ɔmɛ a he. Se anɛ nihi babauu ma nyɛ ma ná nɔ kake gbenɔ he se lo?

Gblaa nine fɔmi womi ɔ eko.