Maa pee 4026 L.M.B.K.

“Sinɔ ɔ” tsɔɔ kaa pi Yehowa nɛ e sa kaa e ye adesahi a nɔ, nɛ e nɔ yemi ɔ hu hí. Yehowa wo si kaa “nina” ko aloo “ngmɛdu” ko maa ba nɛ e ma ba fia sinɔ ɔ, nɛ ji Satan ɔ yi nɔ́. (1 Mose 3:1-5, 15, sisi ningma) Se Yehowa ngmɛ blɔ konɛ adesahi nɛ a ye mɛ nitsɛmɛ a nɔ ngɛ sinɔ ɔ kudɔmi sisi.

1943 L.M.B.K.

Yehowa de Abraham kaa “nina” a nɛ a wo e he si ɔ maa je e weku ɔ mi kɛ ba. —1 Mose 22:18.

Maa pee 1070 L.M.B.K.

Yehowa ma nɔ mi kɛ ha Matsɛ David kɛ e bi Salomo kaa “nina” nɛ a wo e he si ɔ maa je a weku ɔ mi kɛ ba.—2 Samuel 7:12, 16; 1 Matsɛmɛ 9:3-5; Yesaya 9:6, 7.

Jeha 29 M.B.K.

Yehowa tsɔɔ kaa Yesu ji “nina” nɛ e wo si kaa e ma ba ye matsɛ ngɛ David se ɔ nɛ.—Galatiabi 3:16; Luka 1:31-33; 3:21, 22.

 Jeha 33 M.B.K.

Satan nɛ ji sinɔ ɔ ha nɛ a gbe Yesu nɛ ji “nina” nɛ́ a wo e he si ɔ nɛ e kɛ tsi e nya be bɔɔ ko. Yehowa tle Yesu si kɛ ho hiɔwe ya, nɛ e kplɛɛ afɔle nɛ Yesu kɛ e wami nɛ ye mluku ɔ sã a nɔ. Yehowa maa da Yesu afɔle sami ɔ nɔ kɛ ngɔ Adam sisi bimɛ a he yayamihi kɛ ke mɛ konɛ a ná neneene wami.—1 Mose 3:15; Ní Tsumi 2:32-36; 1 Korintobi 15:21, 22.

Maa pee jeha 1914 ɔ mi

Yesu sake Satan nɛ ji sinɔ ɔ ngɔ fɔ zugba a nɔ, nɛ e maa hi zugba a nɔ be bɔɔ ko.—Kpojemi 12:7-9, 12.

Hwɔɔ se

Yesu maa wo Satan tsu jeha 1,000. Lɔ ɔ se ɔ, e maa fia Satan yi nɔ́. Enɛ ɔ tsɔɔ kaa e ma kpata Satan hɛ mi kulaa. Yi mi nɛ Yehowa to ngɛ zugba a kɛ adesahi a he ɔ maa ba mi. E biɛ ɔ he ma tsɔ, nɛ nɔ fɛɛ nɔ maa na kaa e nɔ yemi ɔ hi.—Kpojemi 20:1-3, 10; 21:3, 4.