“Ma ha nɛ ninyɛ maa hi o kɛ yo ɔ nyɛ kpɛti, kɛ o nina kɛ yo ɔ hu nina a kpɛti. E maa ywia o yi, nɛ mo hu o maa kɔ̃ e nane se ja.”

1 Mose 3:15

“Je mahi tsuo nɛ a ngɛ zugba a nɔ ɔ maa gu o nina a nɔ kɛ ná jɔɔmi, ejakaa o bu ye gbi tue.”

1 Mose 22:18

“O Matsɛ Yemi ɔ nɛ ba. Á pee o suɔmi nya ní ngɛ zugba a nɔ kaa bɔ nɛ a peeɔ ngɛ hiɔwe ɔ.”

Mateo 6:10

“Ejakaa ngɛ Mawu, nɔ nɛ e haa tue mi jɔmi ɔ blɔ fa mi ɔ, e be kɛe kulaa nɛ e maa ywia Satan ngɛ nyɛ nane si.”

Romabi 16:20

“Ke Mawu ná nɛ e ngɔ níhi tsuo kɛ wo e Bi ɔ sisi ɔ, kɛkɛ ɔ, Bi ɔ nitsɛ hu maa ngɔ e he kɛ wo Mawu, nɔ nɛ e ngɔ níhi tsuo kɛ wo e sisi ɔ sisi, nɛ Mawu ma plɛ níhi tsuo a nɔ yelɔ.”

1 Korintobi 15:28

 “Amlɔ nɛ ɔ, a tu si womi ɔmɛ a he munyu kɛ tsɔɔ Abraham kɛ e nina a . . . , nɛ lɛ ji Kristo ɔ nɛ. Jehanɛ se hu ɔ, ke Kristo níhi ji nyɛ ɔ, lɛɛ Abraham nina ji nyɛ niinɛ.”

Galatiabi 3:16, 29

“Je ɔ mi matsɛ yemi ɔ ba pee wa Nyɔmtsɛ ɔ kɛ e Kristo ɔ a Matsɛ Yemi, nɛ e maa ye matsɛ kɛ ya neneene.”

Kpojemi 11:15

“Lɔ ɔ he ɔ, a sake drako ngua a, blema sinɔ ɔ nɛ a tsɛɔ lɛ ke Abosiami kɛ Satan ɔ, nɔ nɛ e ngɛ nihi nɛ a ngɛ zugba a nɔ tsuo sisie ɔ kɛ fɔ he; a sake lɛ ngɔ fɔ zugba a nɔ, nɛ a sake e bɔfo ɔmɛ hu kɛ piɛɛ e he.”

Kpojemi 12:9

“E nu drako ɔ, blema sinɔ ɔ nɛ a tsɛɔ lɛ ke Abosiami kɛ Satan ɔ, nɛ e fi lɛ jeha 1,000.”

Kpojemi 20:2