SANE BIMI 7
Mɛni Baiblo ɔ Gba Kɛ Kɔ Wa Be Nɛ ɔ He?
“Ma maa te si kɛ wo ma, nɛ matsɛ yemi maa te si kɛ wo matsɛ yemi . . . Ní nɛ ɔmɛ tsuo ji kɔɔmi sisije.”
“Lakpa gbali fuu maa te si nɛ a maa sisi nihi babauu; nɛ akɛnɛ nihi fuu be mlaa nɔ yee he je ɔ, nihi babauu a suɔmi ɔ nya maa jɔ.”
“Ke nyɛ nu ta hwumihi kɛ tahi a he amaniɛ bɔmihi a he ɔ, nyɛ tsui ko po; ní nɛ ɔmɛ maa ba mi kokooko, se kɛ̃ ɔ, nyagbe ɔ sui lolo.”
“Zugba mimiɛmihi nɛ a nya wa maa ba, nɛ hwɔ kɛ gbenɔ hiɔhi nɛ sãã nɔ maa ba ngɛ he slɔɔtohi; nɛ a maa na gbeye níhi, nɛ okadi nguahi maa je hiɔwe kɛ ba.”
“Ngɛ nyagbe ligbi ɔmɛ a mi ɔ, behi nɛ a mi wa nɛ a nya dami maa ye maa ba. Ejakaa adesahi maa pee nihi nɛ a suɔ mɛ nitsɛmɛ a he, sika suɔli, fĩali, he nɔ woli, musu bɔli, nihi nɛ a bui a fɔli, nihi nɛ a li sina, nihi nɛ a yi anɔkuale, nihi nɛ a be suɔmi kɛ ha a weku mi bimɛ, nihi nɛ a hí kɛ somi ko somi, nɔ he guɛ gbeli, nihi nɛ a be he nɔ yemi, nihi nɛ a hɛ mi jɔɛ, nihi nɛ a sume nɔ́ kpakpa, nɔ se blɔ tsɔɔli, nihi nɛ a peeɔ a tsui nya ní, pupuupu peeli, nihi nɛ a suɔ níhi nɛ haa nɔ bua jɔmi mohu pe Mawu, nihi nɛ a naa mɛ kaa Mawu jali, se a bɛ a je mi kaa bɔ nɛ Mawu ngɛ hlae ɔ.”
