Sekaria 9:1-17
9 Kwaghyôôn:
“Ka kwagh u Yehova a kaa ér una er a tar u Haderaki,Man hemban cii je yô, Damaseku je ne+—Sha ci u ashe a Yehova nga sha uumace+Man sha uipyaven mba Iserael cii—
2 Shi ka kwagh u Aôndo a kaa ér una er a Hamati+ u a dondo a na* la,Man Tiru+ kua Shidon+ je ne, sha ci u ve nenge ér ve bugh ashe kpishi.+
3 Tiru maa ukpekpe mba taver iyol sha ci na,A kohol azurufa kpishi er vuulevu nahan,Shi a kohol zanaria er ihyôghonov mbi sha ugodobi nahan.+
4 Nenge! Yehova una ngohol akaa a na cii,Shi una tim shoja na shin zegemnger;+Shi a tim un sha usu.+
5 Ashekelon una nenge a cier un iyol;Ishima ia nyian Gasa tsung,Shi Ekeron kpa ishima ia nyian un tsung, sha ci u ishimaverenkeghen na la saa gbilin.
Tor una kera lu ken Gasa ga,Shi ken Ashekelon kpa, ior vea kera lu ga.+
6 Shiror nana tema ken Ashedodi,Shi me kar a ihyagh i Orfiliti kera.+
7 Me dugh akaa a a lu a awambe sha mi la ken zwa na kera,Shi akaa a ndôhôrshima la kpa, me dugh hen atô u anyi a na kera,Nahan una mase shin her sha ci u Aôndo wase;Shi una hingir er orhemen u ipyaven u ken Yuda nahan,+Shi Ekeron kpa una lu er Oryebushi nahan.+
8 Me haa afo me kase ya wam sha u kuran un,+Sha er or môm nana fatyô u nyôron ker shi duen ga yô;Shi or u eren ior ican nana kera hide a nyôr ker ga,+Sha ci u hegen m nenge a kwagh ne* sha ashe a am.
9 Ember tsung, we wankwase u Shion.
Shi we wankwase u Yerusalem kpa ngor sha ikyenge i mhembe.
Nenge! Tor wou ngu van hen a we.+
Un ka u perapera, shi ngu van a myom,*Hidi a iyol ijime+ shi a henda jaki,Wanjaki,* u a lu wan u ngôjaki yô.+
10 Me ngohol ikyekyeutya hen Eferaim kera,Shi nyinya kpa me ngohol hen Yerusalem kera.
Me ngohol ada u utya kera, nahan una yôô bem hen akuraior;+Una hemen hii hen zegemnger ngun zan zan ar hen zegemnger ngulaMan hen Ifi* zan zan arsha akighir a tar.+
11 Kpa we kwase, me due a mbakwarev ou shin ihyungwa i lun a mngerem ga la kera,+Sha ci u awambe a ikyuryan you.
12 Hide nyôr nen ken iyou i taver la, ne mbakwarev mba lun a ishimaverenkeghen.+
M ngu ôron we nyian,‘We kwase, me hide me kimbi u injar kwa har.+
13 Gadia me nelem* Yuda er ada wam nahan.
Me wa Eferaim sha ada er ivaan nahan,Shi we Shion, me nder ônov ou mba nomso,Vea va ta num sha ônov mba Grika mba nomso,Shi me er u u lu er sanker u orutya nahan.’
14 Yehova una tese wang ér un ngu a ior nav,Shi ivaan na ia due er inyiar nahan.
Yehova Ter u Hemban Cii la una tôngo korough,+Shi una va a uijeverahumbe mba ken imbusutariyan.
15 Yehova u akum a sha una yima ve,Mbahyomov vea va ta num sha a ve a awen a ken mzu, kpa vea hemba mbahyomov mbara.+
Vea ma kwagh shi a saan ve iyol, inja er ve ma wain nahan,Shi vea lu er gbande u a iv a wain,Man er awambe a i hee sha akpe a atse a nan nagh nahan.+
16 Yehova Aôndo ve una yima ve sha iyange laSha ci u mba ikyumuile i ior nav;+Gadia vea lu er awen a injaa a sha idyer i tor, a a lu eren enge-enge-enge hen inya na nahan.+
17 Erdoo na hemba cii,+Shi a hemba mdoom sha won cii!
Kwaghyan man wain u he vea na agumaiorMan anuunaukase aa taver iyol.”+
