Sekaria 11:1-17
11 “We Lebanon, bugh ihinda you,Sha er usu ua hia ikyon you i sedar yô.
2 Gber kwelegh, we kon u yunipa, sha ci u kon u sedar gba!
I vihi ikyon i icivirigh kera!
Gber kwelegh we ikyon i ouki i ken Bashan,Gadia i vihi ikyon i ken ikyô i wan civirii cica cii bee!
3 Ungwa nen! Mbakuranilev gber kwelegh mba vaan,Sha ci u icivir ve cii bee.
Ungwa nen! Agumabegha* nga tan kume,Sha ci u i vihi ikyô i wan civirii i shin pev u Yordan la.
4 “Ka kwagh u Yehova Aôndo wam a kaa ne, ér: ‘Kura ikyumuile i i ver u za sôngon,+
5 i mbayamen i ka ve za sôngo,+ kpa i na ve ibo ga la. Shi mba teen i la+ ka ve kaa ér, “I wuese Yehova, sha ci u m hingir ornyar.” Shi mbakuran vev kpa, mba zungu ve mhôônom ga.’+
6 “Yehova kaa ér, ‘Me kera zungwe ior mba ve tem ken tar la mhôônom ga. Nahan me na hanma or nana lu ken ikyevwe i orwanndor a nan man tor u nan; shi vea tim tar la, man me yima ve sha ikyev ve kpaa ga.’”
7 Tsô m hii u kuran ikyumuile i i ver u za sôngon la+ sha ci wen, ne mba ken ikyumuile mba ne lu yan ican la. Nahan m tôô igbough ihiar, m yila u môm la mer Erdoo, ugen la di mer Mzough,+ maa m hii u kuran ikyumuile la.
8 Nahan m zenda mbakuranilev utar ken uwer môm, sha ci u m vôr a ve, shi ve kpa kwagh wam vihi ve ishima tsung.
9 Shi m kaa mer: “Me de u kuran ne. Or u nan lu kpen yô, nana kpe, or u nan lu timin kpa, nana tim. Mba ve shi her la, ve mase yan ayol a ve.”
10 Tsô m tôô gbough agh ku Erdoo+ la m tôndo ku, nahan m vihi ikyur i m ya a ior cii la.
11 Tsô i vihi ikyuryan la sha iyange la, shi mba ken ikyumuile mba ve lu yan ican, mba ve lu kenger mo la fa ér, ka kwaghôron u Yehova je a kur ye.
12 Maa m kaa a ve mer: “Aluer doo ne yô, nam nen injar yam; kpa nea soo ga yô, de nen.” Tsô ve kimbim* injar yam agbenger a azurufa 30.+
13 Nahan Yehova kaa a mo ér: “Haa injar la shin akwati u inyar la—ka injar i ndahar i ve nem je la.”+ Tsô m tôô agbenger a azurufa a 30 la, m za haa shin akwati u inyar u ken iyou i Yehova la.+
14 M been yô, m tôndo gbough agh ku sha uhar ku Mzough+ la, nahan mzough u lu hen atô u Yuda man Iserael+ la vihi.
15 Yehova shi kaa a mo ér: “Tôô ikyagh ki orkuranilev u injaa ga la.+
16 Gadia me de orkuranilev ugen una hemen ken tar la. Una nenge sha iyôngo i i lu timin la ga;+ una ker agum a na ga, shi una sôr mba ve vihi iyol la ga,+ shi mba ve tilen sha angahar a ve la kpa, una koso ve ga. Kpa una ya inyam i iyôngo i i kehe la caver caver,+ shi una tsua apande a iyôngo la.+
17 Kwagh a tser ibume orkuranilev wam+ u a lu undun iyôngo la!+
Sanker una gber uwegh nagh, kua ishe na i ken yan.
Uwegh nagh kua uma vindi vindi,Shi ishe na i ken yan ia pir gbindigh gbindigh.”
