Sekaria 2:1-13
2 Tsô m kenden ashe sha yô, m nenge a or lu a kor u karen kwagh+ ken uwegh ku nan.
2 Nahan m pine mer: “U ngu zan hana?”
Or shon kaa ér: “M ngu zan u za karen Yerusalem, sha er me fa igbanger na man ilihen na yô.”+
3 Tsô nenge! ortyom u lu lamen a mo la due, maa ortyom ugen va kohol un.
4 Nahan a kaa a na ér: “Yevese za heela, za kaa gumor la wer, ‘“Ior vea hide a lu ken Yerusalem,+ er gar u a lu a gir ga nahan, sha ci u ior man zendenya mba vea lu ken a na la vea ngee.”+
5 Yehova kaa ér: “Me wa un kpekpe sha usu a ningir a tser,+ shi iengem yam ia lu hen atô na.”’”+
6 Yehova kaa ér: “Va nen! Va nen! Yevese due nen ken tar u ken imbusutarimese la.”+
Yehova kaa ér: “Sha ci u m sambe ne, ne yem sha ahumbe a anyiin a usha la.”+
7 “We Shion, va! Yevese due nen, ne mba ne tem vea wankwase u Babilon la.+
8 Gadia mba ne Yehova u akum a sha icivir mba been yô, a tindim hen akuraior, a yange lu yan ne ishar la,+ a kaa ér: ‘Or u nan bende a ven yô, nan bende a wanshe* wam.+
9 Gadia hegen me dugh uwegh agh sha a ve, nahan ikpan ve ia hide ia ya ve ishar.’+ Ka nahan ne fa ner, mimi je Yehova u akum a sha tindim ye.”
10 Yehova ngu kaan ér: “Genger imo sha iember we wankwase u Shion;+ sha ci u m ngu van,+ shi me va tema hen atô wou.+
11 Akuraior kpishi aa va kohol Yehova sha iyange la,+ nahan aa hingir ior av; shi me tema hen atô wou.” Nahan u fa er mimi je, Yehova u akum a sha, a tindim hen a we yô.
12 Yehova una ngohol Yuda, una hingir kwagh na hen icighanjiir, shi una hide a tsua Yerusalem.+
13 Ne uumace cii, huan nen sha ishigh ki Yehova, sha ci u ngu eren kwagh hen icighanjiir na ape a tem la.
Ngeren mba shin kpe
^ Shin “bende a hongorshe.”
