Sekaria 13:1-9
13 “Sha iyange la, a time ijôr hen ya u Davidi, man hen mba ve tem ken Yerusalem la, sha u wanger isholibo man hôngor.+
2 Yehova u akum a sha kaa ér: “Sha iyange la, me bee a ati a ieev ken tar la kera,+ shi a kera umbur mbi ga; shi me bee a uprofeti+ man jijingi u hôngorough ken tar la kera.
3 Nahan aluer or shi ôr kwaghôron u profeti yô, ter u nan man ngô u nan, mba ve mar nan la, vea kaa a nan ér, ‘U kpe, sha ci u u er mbaaie ken iti i Yehova.’ Maa ter u nan man ngô u nan, mba ve mar nan la, vea kúma nan sha ci u kwaghôron u profeti u nan la.+
4 “Sha iyange la, kunya ua kôr hanma profeti a mpase u sha mnenge u nan shighe u nana lu ôron kwaghôron u profeti la; nahan vea kera hua riga u aive a inyam+ la sha u tsughun ior ga.
5 Shi nana kaa ér, ‘Mo m ngu profeti ga. M ngu orkahansule sha ci u yange or yamem shighe u m lu iyev la.’
6 Shi aluer or pine nan ér, ‘Ka avav a nyi a lu u iyol* nee?’ yô, nana kaa ér, ‘Yange i gberem avav ne ken ya u azende a am.’”*
7 Yehova u akum a sha kaa ér: “We sanker, nder ta num sha orkuranilev wam,+Man sha or u a lu ijende yam la.
Ta num sha orkuranilev,+ nahan ikyumuile* i sambe;+Me gema uwegh agh me ta num sha mba ve gbe kwagh ga la.”
8 Yehova kaa ér: “Shi ken tar la cii,A tôndo avegher ahar ker, a tim* kera;Vegher u sha utar la di, a de un una lu her.
9 Me kar a vegher u sha utar la ken usu;Me sôr ve, er ka i sôr azurufa nahan,Shi me kar ve, er ka i kar zanaria nahan.+
Vea yila sha iti yam,Mo di kpa me lumun.
Me kaa mer, ‘Mba ior av,’+Ve di vea kaa ér, ‘Yehova ka Aôndo wase.’”
