Sekaria 10:1-12
10 “Sôn nen Yehova a na ne ura sha shighe u ura u fam.
Ka Yehova a eren abeen a uraahumbe,A nôôn ior ura,+Shi a ne hanma or imendenev ken sule kpaa ye.
2 Gadia ieev mbi terafim* ôr kwagh u aiegh;*Shi mbakpehenshor nenge mpase u aiegh.
Ka ve ôr kwagh u mnyam ma gbilinigh,Shi ka ve nôngo ér vea sur ior asema kpa ve fatyô ga.
Sha nahan yô, vea zende hurugh hurugh er iyôngo nahan.
Vea ya ican sha ci u orkuranilev ngu ga.
3 Ishima vihim tsung a mbakuranilev,Shi me pine mbahemenev mba eren ior ican mbara kwagh;Yehova u akum a sha hide ver ishima sha ikyumuile na,+ ka ya u Yuda je la,Shi a er ve mba er nyinya u icivirigh u ken utya nahan.
4 Orhemen u vesen,* una due hen a na,Orhemen u cirin ken tor* una due hen a na,Ada u utya una due hen a na;Hanma orkuran nana due hen a na, ve cii vea due hen a na.
5 Vea lu er mbautyaav,Mba ve lu ndyaren angbiôr sha ugodobi ken utya nahan.
Vea nôngo ityav sha ci u Yehova ngu a ve;+Shi mba hendan anyinya kpa vea ya kunya.+
6 Me er ya u Yuda una hemba,Shi ya u Yosev kpa me yima un.+
Me hide a ve,Sha ci u me zungwe ve mhôônom;+Nahan vea lu er yange m ta ve kera ga nahan;+Gadia mo m ngu Yehova Aôndo ve, shi me ungwa ve.
7 Ior i Eferaim ia hingir er orutya u ageegh nahan,Shi a saan ve iyol er ve ma wain nahan.+
Ônov vev vea nenge kwagh ne shi vea ember;Vea ember ken Yehova.+
8 ‘Me yila ve sha hondo, nahan me kohol ve imôngo;Sha ci u me yima ve,+ vea hingir kpishi,Shi vea lu ngeen seer a seer.
9 Er me sambe ve ken atô u ior er ivor nahan kpa,Vea umbur mo ken ajiir a icaa la;Ve a ônov vev vea nder vea cin a hide.
10 Me due a ve ken tar u Igipiti keraShi me kohol ve ken Ashiria+ me due a mi;Shi ian ia kera lu kpishi sha ci ve ga,+Nahan me yem a ve ken Gileadi+ man ken Lebanon.
11 Una kar shin zegemnger a ishimanyian;Shi una gbidye agôndoamnger a shin zegemnger;+Ajiir a zan shimi a ifi u Nil cii aa uma kera.
Ihyagh i Ashiria ia bee kera,Shi tôgh ku Igipiti kpa kua kar kera.+
12 Me na vea hemba ken Yehova,+Shi vea zende ken iti na,’+ kape Yehova a kaa la.”
