Sekaria 6:1-15
6 Tsô shi m kenden ashe sha yô, m nenge a akekeautya anyiin, lu van hen atô u iwo ihiar, iwo ne lu i togula.
2 Ikyekyeutya i hiihii la, lu a anyinya a nyian, ikyekyeutya i sha uhar la di, lu a anyinya a il.+
3 Ikyekyeutya i sha utar la, lu a anyinya a pupuu, i sha unyiin la gema lu a anyinya a tan acan man a lun abeen abeen.+
4 Nahan m pine ortyom u lu lamen a mo la mer: “Terem, ka nyi akaa nee?”
5 Ortyom la kaa a mo ér: “Mban ka ujijingi mba unyiin,+ mba shaav, mba ve ze sha ishigh ki Ter u tar cii, maa ve dugh ve lu yemen yô.+
6 Ikyekyeutya i i lu a anyinya a il la ngi yemen ken tar u imbusutarimese;+ anyinya a pupuu la nga yemen ken tar u shin ityôtar;* gema anyinya a tan acan la di nga yemen ken tar u imbusutariyan.
7 Yange sase anyinya a lun abeen abeen la iyol u duen za zenden shin tar.” Tsô a kaa ér: “Za, za zende nen shin tar.” Maa anyinya la gba zenden shin tar.
8 Tsô a yilam genger genger a kaa ér: “Nenge, mba ve dugh ve lu zan ken tar u imbusutarimese la, ve na jijingi u Yehova mem ken tar u imbusutarimese.”
9 Shi Yehova ôr kwagh a mo kaa ér:
10 “Ngohol kwagh u Heldai man Tobiya kua Yedaia ve hidi a mi hen ior mba ve lu uikyangen la; man sha iyange la, a gba u u za hen ya u Yoshia wan u Sefania, vea mban mba ve ve ken Babilon la kpee je.
11 Tôô azurufa man zanaria, er idyer i tor* a mi, za cir Yoshua+ wan u Yehosadaki, zegepristi la.
12 Nahan kaa a na wer,“‘Ka kwagh u Yehova u akum a sha a kaa ne, ér: “Or u i yer ér Mende+ la ngun. Una mende hen ijiir na, shi una maa tempel u Yehova.+
13 Ka un una maa tempel u Yehova shi una zua a icivir ye. Una tema sha ikyônough ki torough nagh una hemen, shi una lu pristi sha ikyônough nagh ki torough kira,+ nahan akaa a ahar ne aa lu ken bem man mzough.*
14 Nahan idyer i tor* la, ia lu kwagh u Helem man Tobiya man Yedaia+ kua Hen, wan u Sefania vea umbur ken tempel u Yehova yô.
15 Shi mba ve lu ica la, vea va wase u maan tempel u Yehova.” Ka nahan ne fa er Yehova u akum a sha la a tindim hen a ven ye. Kwagh ne una er nahan—aluer ne venda u ungwan imo i Yehova Aôndo wen ga yô.’”
