Sekaria 3:1-10
3 Tsô a tesem zegepristi Yoshua,+ tile sha ishigh ki ortyom u Yehova, Satan+ gema tile un* ken uwegh ku iyanegh u hendan kwagh a na.
2 Maa ortyom u Yehova la kaa a Satan ér: “Yehova a venda a we, we Satan,+ een, Yehova u a tsough Yerusalem+ la a venda a we! Ngun ne ka gungurkon, u u lu hian ken usu, u i za dugh u kera fese la gaa?”
3 Shighe ne, Yoshua hua akondo a lun côu côu, tile sha ishigh ki ortyom la.
4 Ortyom la gema kaa a mba ve tile sha ishigh nagh la ér, “Er un nen akondo a côu côu la.” Maa a kaa a Yoshua ér, “Nenge m kar a isholibo* you hen a we kera, nahan a hua u akondo a tsembelee.”+
5 Tsô m kaa mer: “I kange un ikyondo i engem sha ityo.”+ Nahan ve kange un ikyondo i engem sha ityo, shi ve hua un akondo; shi ortyom u Yehova tile ikyua her.
6 Maa ortyom u Yehova kaa a Yoshua ér:
7 “Ka kwagh u Yehova u akum a sha a kaa ne, ér: ‘Aluer u ngu zenden sha igbenda yam shi u ngu eren ityom you sha ishigh yagh yô, u lu orjir ken ya wam+ shi u nengen sha* ityembeya yam; shi me na u ian i van sha ishigh yagh gbar gbar vea mban mba ve til heen ne.’
8 “‘Ungwa kwagh ne, we Zegepristi Yoshua, we man azende a ou a a tem sha ishigh you la, sha ci u nomsombaiorov mban mba ikyav; nenge! m ngu van a ortom wam,+ iti na ér Mende!+
9 Nenge iwen i m ver sha ishigh ki Yoshua ne! Ashe ataankarahar nga sha iwen shon.’ Nahan ka kwagh u Yehova u akum a sha a kaa ne, ér: ‘M ngu ngeren kwagh sha iwen ne, shi me kar a ibo i tar la kera ken iyange i môm.’+
10 “Yehova u akum a sha kaa ér: ‘Sha iyange la, hanma wen nana lôhô orwanndor a nan ér, nana va tema hen itinekon u wain u nan man hen itinekon u tur u nan.’”+
