Hosea 9:1-17
9 “De ember ga, we Iserael.+
De lun yar yar er akuraior agen nahan ga.
Gadia idya* i u eren la na yô, u gba ica a Aôndo wou,+Ka i doo u u ngohol injar i agbaga sha hanma vande u gbidyen iyiav cii.+
2 A zua a kwagh hen vande u gbidyen iyiav man ihyungwa i shoghor wain u koson ve ga.
Wain u he kpa una yina ve.+
3 Vea kera za hemen u teman ken tar u Yehova ga;+Kpa Eferaim una hide a yem ken Igipiti,Shi vea ya kwagh u hôngorough ken Ashiria.+
4 Vea kera na Yehova iniav mbi wain ga;+Iniav vev mbia doo un ga.+
Mba er ka kwaghyan* u mbazungwen ku nahan;Mba ve ye un cii vea hôngor ayol a ve.
Gadia kwaghyan* ve ngu sha ci ve* tseegh;A nyôr a mi ken iyou i Yehova ga.
5 Ka nyi ú er sha iyange i mkohol,*Sha iyange i iniongo i Yehova laa?
6 Gadia nenge! vea yevese mtim.+
Igipiti una kohol ve imôngo,+ Memfishi una ii ve.+
Imo ia mende a cir akaa a ve a injaa a sha azurufa la,Shi usaa vea mende ken utenti vev.
7 Ayange a mtsaha aa va,+Ayange a oron iyev kpaa aa va,Iserael una fa.
Profeti ve una lu ibumeor, or u a ôron akaa sha iwasen i jijingi la kpaa una hunde;Sha ci u kwaghbo wou dumbur, i kôr u ihyom kpishi.”
8 Orkurangar+ u Eferaim yange lu vea Aôndo wam.+
Kpa hegen ne, igbenda i uprofeti nav+ cii ngi er ka kwaghhônon u orkôroninyon nahan;Ihyom ngi ken ya u Aôndo na.
9 Ve saa ishe vindi vindi, er sha ayange a Gibea la nahan.+
Una umbur kwaghbo ve, nahan una tsaha ve sha ci u asorabo a ve.+
10 “Yange m za zua a Iserael er ka atam a wain a ken taaikyôngo nahan.+
M nenge a uter enev er ka atam a hiihii a sha kon u tur nahan.
Kpa ve yem hen Baal u Peor;+Ve tsegha ayol a ve sha ci u kwagh u ihyeenegh la,*+Nahan ve ndôhôrshima vough er kwagh u a doo ve ishima la nahan.
11 Icivir i Eferaim purugh kera er ka inyon nahan;A mar ga, a wa iyav ga, a jile iyol kpaa ga.+
12 Vea mar ônov je kpa,Me wua ve kera cica cii;+Sha kpôô yô, kwagh a tser ve zum u me gema ijime a ve la!+
13 Eferaim, u i lôô un hen ijiir i dedoo i yan toho la, lum er ka Tiru nahan;+Hegen ne, gba u Eferaim una due a mbayev nav a va a mi hen ijiir i sôngon.”
14 Yehova, na ve kwagh u i gbe u u na ve la;Na ve sagh u dughun iyav, man atumba a uman* sha vanger.
15 “Afer a ve cii lu ken Gilgal,+ ka ker m hingir u kôron ve ihyom ye.
Me zenda ve hen ya wam kera, sha ci u aferakaa a ve la.+
Vea kera doom ishima ga;+Mbatarev vev cii taver ityough.
16 A gber Eferaim a ta inya.+
Amise a ve aa uma kera, nahan vea ume atam ga.
Vea mar je kpa, me wua ônov vev mba ve doo ve ishima la kera.”
17 Aôndo wam una venda ve,Sha ci u ve ungwa imo na ga,+Vea hingir mba-azende-azende ken akuraior.+
