Hosea 8:1-14
8 “Wa korough sha zwa!+
Orgen ngu van er ka igyuve nahan, u va tan num sha ya u Yehova,+Gadia ve vihi ikyuryan yam,+ shi ve per tindi wam.+
2 Mba kaan a mo genger genger ér, ‘U ngu Aôndo wase, se Iserael se fa u!’+
3 Iserael venda kwagh u dedoo.+
De orhyom nana̱ zenda un.
4 Ve ver ator, kpa ka mo m ne zwa ga.
Ve tsua mbatarev, kpa m fa ve ga.
Ve tôô azurufa ve man zanaria ve, ve er ieev a mi,+Ve va a mtim sha ayol a ve.+
5 We Samaria, i venda eev mbu wanbua mbu u er la.+
Ishima vihim a ve kpen kpen.+
Vea zer lun a ibo* a kuma shighe nan je?
6 Gadia ka ken Iserael je kwagh ne a dugh ye.
Ka orvareniwa nan er kwagh ne ye, man kwagh ne ka Aôndo u mimi ga;A hembe wanbua u Samaria la avur avur.
7 Gadia ka ahumbe ve lu lôôn ye,Nahan vea sunda ijeverahumbe.+
Ishagher i môm kpa ka i wa asange a vian ker ga;+Kwagh u a te tombo kpa mba zough a mwem ker ga.
Aluer kwagh lagh ume je kpaa akuraior agen* aa ya un.+
8 A mena Iserael.+
Hegen vea lu hen atô u akuraior agen+Er ka ikyagh ki i soo kwagh u ki ga nahan.
9 Sha ci u ve yem ve za kohol Ashiria,+ er ka jakitoho i i lu tswen nahan.
Eferaim za kimbi inyaregh tôô mbaagbaga mba doon un ishima.+
10 Shin er ka ve za tôô ve ken akuraior agen nahan kpa,Me kohol ve cica imôngo;Vea hii u yan ican+ sha ci u ikyav mbi tor man mbatarev vea tôô ve la.
11 Gadia Eferaim seer atse a nanden nagh sha u eren isholibo.+
A hingir un atse a eren isholibo.+
12 M nger un akaa kpishi sha kwagh u atindi* a am,Kpa a lu un kwagh u he.+
13 Ka ve sôngom iniav, ve ya inyam,Kpa doo Yehova a mbi ga.+
Hegen una umbur akaabo a ve,Shi una tsaha ve sha ci u asorabo a ve la.+
Ve hide* ken Igipiti.+
14 Iserael hungur a U a Gbe un la,+ a maa utempel,+Yuda kpa seer maan agar a kasen.+
Kpa me tindi usu ken agar a na,Ua hia ayou a taven a hanma ve cii.”+
