Hosea 2:1-23
2 “Kaa a anmgbianev ou mba nomso wer, ‘Ne ior av!’*+
Man a anmgbianev ou mba kasev wer, ‘We kwase u i zungu u mhôônom ne!’*+
2 Na nen ngô wen ibo; na un nen ibo,Gadia ngu kwase wam ga,+ mo kpa m ngu nom na ga.
A̱ dugh gbaga na u eren* la ken a na keraKua idya na kpaa, hen atumba a na kera.
3 Ga yô me gba un idyelegh, me er una lu er iyange i i mar un la nahan,Me er un una lu er taaikyôngo yô.
Me gema un una hingir inya i ombor,Shi me na una kpe imura.
4 Ônov nav kpa me zungwe ve mhôônom ga,Sha ci u mba ônov mba i mar ve sha idya i eren* yô.
5 Gadia ngô ve er idya*+Un u yange wa iyav vev la er kwagh u kunya,+ gadia a kaa ér,‘Me yem me za kohol mba m doo ve ishima,*+Ve mba ve nem beredi man mngerem la,Mba nem ikyondo i sha aive man ikyondo i zeren, mba nem mkurem man kwaghman.’
6 Nahan me yisa un gbenda sha usaa;Shi me maa kpekpe u sha awen sha u yangen un,Sha er una zua a gbenda u duen ga yô.
7 Una zenda mba ve doo un ishima* ityô, kpa una kohol ve ga;+Una ker ve, kpa una zua a ve ga.
Nahan una kaa ér, ‘De m hide m yem hen nomom u hiihii,+Gadia shighe u m lu vea na la hemba lun mo guda a hegen.’+
8 Yange kera fa er lu mo m na un samuyia+ kua wain u he man mkurem,Shi lu mo m na un azurufa kpishiMan zanaria u yange ve tôô ve civir Baal+ a mi la ga.
9 ‘Sha nahan yô, me hide me ngohol samuyia wam sha shighe u u,Kua wain wam u he sha shighe na,+Shi me tsue ikyondo yam i sha aive man ikyondo i zeren, i yange m na un sha u cirin idyelegh na a mi la.
10 Hegen me gba un idyelegh hen tembe, mba ve doo un ishima* cii vea kenger un,Man or môm nana yima un sha uwegh agh ga.+
11 Me bee a iember na cii kera,Kua uiniongo nav+ man iwer na i he man ayange a memen a na man ashighe a na a eren uiniongo cii.
12 Me vihi ikyon na i wain man ikyon na i tur, i a ôr kwagh u i ér:
“Ka injar i mba m doo ve ishima* ve nem ne” la.
Me gema i ia hingir ikyô,Inyamtoho ia ya i.
13 Me pine un kwagh sha kwagh u ayange a a naan ieev mbi Baal+ iniav la,Shighe u yange a wuha iyol, a wa ikyunya kua akaa a hweegh, a zendan mbadoon un ishima* ityô la,Yange hungur a mo,’+ ka kwagh u Yehova a ôr je la.
14 ‘Nahan me mee un,Me yem a na ken taaikyôngo,Me ôr kwagh u una na ishima a gba un shimi yô.
15 Hii shighe la je, me hide a ishule i ikyon i wain na me na un.+
Shi Pev* u Akor+ una hingir un hunda u ishimaverenkeghen.
Ka her man una nam imo, er sha ayange a lu iyev la nahan ye,Er sha iyange i due ken tar u Igipiti+ la nahan.’
16 Yehova kaa ér, ‘Sha iyange la,U yilam wer Nomom, u kera yilam wer Orvesen Wam* ga.’
17 ‘Me dugh ati a ieev mbi Baal ken zwa wou kera,+A kera umbur mbi sha ati a mbi ga.+
18 Sha iyange la, me ya ikyur a inyamtoho+ sha ci ve,Kua a inyon i sha kwavaôndo man akaa a kpelan iyav inya;+Me kar a ada man sanker man ityav ken tar la kera,+Me er ve vea yav inya* bem bem.+
19 Me tsegha zwa a we gbem sha won;Me tsegha zwa a we sha perapera man sha mimi,Man sha u tesen we dooshima gbem shi zungwen we mhôônom.+
20 Me tsegha zwa a we sha u eren kwagh a we sha mimi,Nahan u fa Yehova keng je a bunde ga.’+
21 ‘Sha iyange la me kegh ato,’ ka kwagh u Yehova a kaa je la,‘Me kegh ato a usha,Ve di vea gema a kegh ato a tar.+
22 Tar ua gema a kegh ato a iyiav man wain u he man mkurem;Ve di vea kegh ato a Yesereel.*+
23 Me lôô un hen inya er ka vor nahan sha ci wam,+Man shi un u yange i zungwe un mhôônom ga la, me zungwe un mhôônom;*Ior mba ve lu ior av ga la,* me kaa a ve mer: “Ne mba ior av,”+Ve di vea kaa ér: “U ngu Aôndo wase.”’”+
Ngeren mba shin kpe
^ Shin “aeren a jimbagh a na; aeren a idyaa a na.”
^ Shin “gbaga u eren; ijimba i eren.”
^ Shin “er gbaga; er ijimba.”
^ Shin “mba keren mo.”
^ Shin “mba keren un.”
^ Shin “mba keren un.”
^ Shin “mba keren mo.”
^ Shin “mba keren un.”
^ Shin “Pev u Lun Gburumaa.”
^ Shin “Baal Wam.”
^ Shin “Me de vea lu.”
^ Inja na yô ér, “Aôndo Una Ta Ivor.”
