Hosea 3:1-5

  • Hosea hide za yam kwase na u a er idya la (1-3)

  • Iserael una hide hen Yehova (4, 5)

3  Tsô Yehova kaa a mo ér: “Shi za, za tese kwase u a doo orgen ishima, shi a lu eren idya la+ wer a doo u ishima, vough er Yehova kpa ior i Iserael+ ve doo un ishima, shin er ve yem dondon mbaaôndo mbagen,+ shi ve soo atam a wain a ombor nahan kpaa.”* 2  Nahan m yam un sha agbenger a azurufa 15, man sha ikyaren i barli i môm man tiôn.* 3  Maa m kaa a na mer: “U lu u wam her ayange imôngo. De kera eren idya* ga, shi de kera tse a or môm ga, mo kpa me er a we nahan.”* 4  Ka sha ci u Mbaiserael vea kera lu a tor ga+ shighe gôgônan,* vea kera lu a mbahemenev ga, nagh ku nan kpaa ga, ityôgh kpaa ga, efodi+ man terafim* kpa ga.+ 5  Ken masejime yô, Mbaiserael vea hide a va ker Yehova Aôndo ve,+ kua tor ve Davidi,+ shi vea va hen Yehova sha ci u erdoo na ken ayange a masejime,+ a akarkase iyol.

Ngeren mba shin kpe

^ Inja na yô, ka atam a i civir mbaaôndo mba aiev a mi la.
^ Ka ikyaren i homa je la. Homa môm yange a kuma ulita 220. Nenge Ngeren u Seer u B14 la.
^ Shin “gbaga; ijimba.”
^ Shin “mo kpaa me tsa a we ga.”
^ Zwa Heberu, “ayange kpishi.”
^ Shin “mbaaôndo mba hen ya; akombo.”

Copyrights for this publication