Hosea 10:1-15
10 “Iserael ngu er ka kon u wain u doon ga,* u u lu umen atam nahan.+
Er a lu seer umen atam la, kape atse a na a nanden nagh kpa a lu seer je la;+Er inya na i lu seer doon iyiav la, kape mtôm ma akombom nam kpa ma lu seer doonashe la.+
2 Ishima ve wa atseregh;*Hegen vea ya ibo.
Or ngu u nana hembe atse a ve a nanden nagh shi nana vihi mtôm vem mara yô.
3 Hegen vea kaa ér, ‘Se mba a tor ga,+ sha ci u se cia Yehova ga.
Gadia ka nyi tor a er sha ci wase?’
4 Ka ve lam ugbilinmbaakaav, ve er uiceghzwa mba aiev,+ shi ve er uityendezwa kpaa;Nahan ijirôron i ia mough la, ia lu er toho u bo u u mende shin ahia a ken sule nahan.+
5 A cier mba ve tem ken Samaria la iyol sha ci u eev mbu wanbua mbu ken Bete-aven la.+
Ior mba civir eev mbura vea zungwe mbu,Vough er upristi mba mbaaôndo mba ken ityar igen, mba yange ve ember sha kwagh u mbu, kua iengem i mbu la kpa vea va zungwe nahan.
Gadia a tôô mbu hen atô ve kera, a yem a mbu uikyangen.
6 A va a mbu ken Ashiria a va na zegetor iyua a mi.+
Eferaim una va ahenge,Iserael kpa una ya kunya sha ci u kwaghwan u yange dondo la.+
7 Samaria kua tor na cii a bee a ve kera* kpee je,+Er ka an-gbaakon u i asegh i kende a lu kuan sha zarmnger nahan.
8 A tim+ ajiir a taven sha a ken Bete-aven+ la kera, ka isholibo i Iserael+ je la.
Usaa man mbaasaa vea mende sha atse a ve a nanden nagh.+
Ior vea kaa a iwo ér, ‘Cir nen se!’
Shi vea kaa a agungu ér, ‘Gba nen sha a vese!’+
9 We Iserael, hii sha ayange a Gibea la je, u er isholibo.+
Lu heregh ve nômbo ikyôr ye.
Ityav yange mbi bee a ônov mba ifer ken Gibea cica ga.
10 Mo kpa me tsaha ve sha shighe u m soo la.
A kohol ior mba ken akuraior, vea ta num sha a ve,Zum u a kange ve sha asorabo a ve a ahar la.*
11 Eferaim yange lu tulebua u i tese un, u yange i doo un u shoghor iyiav yô,Nahan m kura* mon na u doonashe la.
Hegen ne, me de or nana henda Eferaim.*+
Yuda una kpela or ikyekye i kahan sule, Yakob una kpela nan ikyekye i hemben alôgh.
12 Lôô nen ivor yen sha perapera, nahan ne sunda dooshima u a lu u mimi la.
Kaha nen utsa enev+Er shighe u keren Yehova a lu her ne.+
Zan zan una kar van, una va tese ne kwagh u perapera.+
13 Kpa ne kaha iferkwagh,Ne sunda kwagh u a lu u perapera ga yô,+Ne ya atam a icugh,Gadia ne suur sha gbenda wen,Sha ikpela i mbautyaav enev.
14 A mough ayôôso a ior ou,A yôhôr agar a ou a u maa u kase la,+Er Shaleman u ken ya u Arbel yôhôr kwagh sha iyange i utya nahan,Zum u i gbidye ungôôv a ônov vev zan zan ve kar kpen la.
15 We Betel, er iferkwagh you i vihi kpishi yô ka kwagh u a er a we je la.+
A bee a tor u Iserael* sha use kpee je.”+
