Hosea 11:1-12
11 “Zum u Iserael lu wanye la, a doom ishima,+Lu ken Igipiti m yila wan wam m due a na ye.+
2 Er ve* lu yilan ve la, ve lu hemban gban ica a ve cii.+
Ve zer sôngon iniav sha ci u ieev mbi Baal,+Shi ve lu nan ieev mbi gban a gba iniav.+
3 Kpa lu mo m taa Eferaim zende,*+ m kôr ve sha ave a am ye;+Man ve fa er lu mo m bee ve angev ga.
4 M zer urugh ve sha ikyor i ior,* sha ikyor i dooshima;+Shi m lu ve er ka or u nan tôô ve igbur sha zwa* kera nahan,M yie hanma ve kwaghyan.
5 Vea hide a yem ken tar u Igipiti ga, kpa Ashiria una lu tor ve,+Sha ci u ve venda u hiden hen a mo.+
6 Sanker una lu jingir van sha agar a ve,+Una vihi ihinda ve, shi una tim ve sha ci u ayom a ve la.+
7 Ior av kange ishima u eren kwagh a mo sha mimi ga.+
I yila ve ér ve kôndo sha,* kpa or môm ngu moughon ga.
8 We Eferaim, a er nan man me de kwagh wouwe?+
We Iserael, a er nan man me gema u me na orgene?
A er nan man me er kwagh a we er Adema nahana?
A er nan man me gema u u hingir er Seboim nahana?+
Ishima gemam ker sha kwagh wou;Shi mhôônom kôrom tsung.+
9 Me kera er kwagh er ishima i vihim ker tsung la ga.
Me kera tim Eferaim ga,+Gadia mo m ngu Aôndo, m ngu or ga,M ngu U Icighan hen atô wou,Shi me kera va hen a we a ishimavihin ga.
10 Vea dondo Yehova ijime, una ta kume er ka begha nahan;+Hanma shighe u una taan kume cii, ônov nav ve mough shin ityôtar ve va a akarkase iyol.+
11 Zum u vea due ken Igipiti la, vea lu gbidyen akarkase iyol er ka inyon nahan,Shighe u vea due ken Ashiria la kpaa, vea lu gbidyen akarkase iyol er ka ikyungugh nahan.+
Me va a ve, vea va tema hen uya vev,” ka kwagh u Yehova a ôr je la.+
12 “Eferaim shi sha u eren mo mbaaie tseegh,Ya u Iserael kpa shi sha u tsughun mo.+
Kpa Yuda yô ngu zenden vea Aôndo her,Shi ngu eren kwagh a U A Hembe Lun Icighan la sha mimi.”+
