Hosea 6:1-11
6 “Va se hide nen hen Yehova,Gadia a ande se avur avur,+ kpa una sôr se.
A vihi se iyol, kpa una kange se avav.
2 Ayange ahar aa karen yô, una hide a na se agee.
Sha iyange i sha utar la, una mough a vese sha,Se hide se lu uma sha ishigh nagh.
3 Ka u se fa, se nôngo tsung se fa Yehova.
Mve na una bunde ga er ka sev nahan;Una va hen a vese er ka ura nahan,Er ka ura u fam u ka u leghem inya nahan.”
4 “We Eferaim, m̱ er a we nena?
We Yuda kpa m̱ er a we nena?
Gadia dooshima wen u ne senge ner ka u mimi la, ngu er ka abeen a pepe nahan.
Er ka avure a ka a ndoor kera fese la nahan.
5 Ka nahan man me gber ve me ta inya, sha ikyev i uprofeti av ye;+Me wua ve sha kwaghôron u ken zwa wam.+
Man ajir a me ôr ve la, aa wanger er ka usu nahan.+
6 Gadia ka mhôônom ma zungwen ma* doom ye, ka nagh ga,Ka mfe u fan Aôndo, ka nagh ku nanden ga.+
7 Kpa ve vihi ikyuryan yam,+ gadia mba uumace di tsô.
Ka heregh ve er kwagh a mo sha mimi ga ye.
8 Gileadi ka gar u mbaaferev,+A iv a awambe a haan inya.+
9 Upristi mba er ka mbanumungbenda mba ka ve yer ve keghen or nahan.
Ka ve wua ior sha gbenda u Shekem,+Gadia ieren ve ka i kunya.
10 M nenge a kwagh u hôngorough ken ya u Iserael.
Eferaim ngu eren gbaga ker;+Iserael kpaa hôngor iyol na.+
11 Man we Yuda kpaa, m ver sunda ngu keghen we,Hen shighe u me hide me kohol ior av mba ve yem uikyangen la.”+
Ngeren mba shin kpe
^ Shin “dooshima u mimi a.”
