Hosea 12:1-14
12 “Eferaim ngu suur sha gbilinkwagh.*
Ka a shi zendan ahumbe a sha ityoughkitaregh pepe zan zan tugh.
Ngu seer eren mbaaie man ipila.
Ka ve ya ikyur a Ashiria,+ shi ve tôô mkurem ve za a mi ken Igipiti.+
2 Yehova ngu ôron ijir a Yuda;+Una pine Yakob kwagh sha kwagh u igbenda na,Una kimbi un injar sha aeren a na.+
3 Yange gba anngô na uwegh sha ikishinguhar+ ken uya,Shi nôngo kwagh a Aôndo sha agee a na cii.+
4 Yange sôr uwav a ortyom zan zan kar hemban.
Yange vaa shi zamber ér i na un iveren.”+
Aôndo zua a na hen Betel, man ka her a lam a vese ye,+
5 Yehova, Aôndo u akum a sha.+
Yehova ka iti na i i umbur un a mi yô.+
6 “Nahan hide hen Aôndo wou,+Dooshima wou a̱ de been ga, shi eren kwagh sha mimi gbem,+Suur sha Aôndo wou hanma shighe cii.
7 Kpa uikyaren mba icughugh mba ken uwegh ku or u eren kpenga;*Anyighe doo un ishima.+
8 Eferaim ka a zer kaan ér, ‘Sha kpôô yô m hingir ornyar;+M ngu yôughyôugh.+
Ken tom wam u sha ican la cii, a zua a ma mshi shin kwaghbo sha mi ga.’
9 Kpa mo m ngu Yehova Aôndo wou, hii shighe u u lu ken Igipiti la je.+
Shi me er u u hide u tsa ken utenti,Er sha ayange a i eren iniongo sha shighe u i ver la nahan.
10 M lam a uprofeti,+M seer tesen ve mbampase mba sha mnenge,M ôr anzaakaa sha ikyev i uprofeti.
11 Icugh ngi* ken Gileadi,+ shi mimi kpa ban ker.
Ve na nagh sha anomabua ken Gilgal,+Man atse a ve a nan nagh kpa nga er atihi a awen a shin ahia a ken sule nahan.+
12 Yakob yange yevese yem ken haregh u Aram;*+Iserael+ za er tom ker sha er una zua a kwase yô,+A kura iyôngo sha er a na un kwase yô.+
13 Yehova due a Iserael ken Igipiti kera, sha ikyev i profeti,+Shi a kura un sha ikyev i profeti.+
14 Eferaim er kwagh u vihin un tsung;+Iboawambe na ngi sha a na her;Ter na una kimbi un injar sha ci u ilyahan i a ve a mi sha a na la.”+
