Hosea 13:1-16
13 “Eferaim yange una lam yô, ior ve gbidye akarkase iyol;Yange lu tagher tagher ken Iserael.+
Kpa va hingir u lun a ibo sha kwagh u Baal,+ maa kpe.
2 Hegen mba seer asorabo a ve,Ka ve er ieev mbi keren a ker sha azurufa ve.+
Ka ve kpe iyol ve er ieev sha hwe, mbi cii ka tom u orvareniwa.
Ka ve kaa ér, ‘Ior mba ve ne iniav cii ve suse anibuav.’+
3 Nahan vea hingir er ka abeen a pepe nahan,Er ka avure a a ngôôr ndoor ga nahan.
Man er ka akoo a ahumbeaura a purugh a mi sha vande u gbidyen iyiav yô,Shi vea lu er ka mnyim ma ma duen sha ihula i sha tor nahan.
4 Kpa mo m ngu Yehova Aôndo wou, hii shighe u u lu ken tar u Igipiti la je.+
Yange u fa Aôndo ugen ga, saa mo tseegh,Shi dugh mo sha yô, oryiman ugen ngu ga.+
5 Yange m fa u ken taaikyôngo,+ ken tar u icegh za ker la.
6 Yange ve zua a kwaghyan kpishi nahan kuma ve,+Ve ya ve ide, maa ve hii u kenden a iyol sha.
Nahan ve hungur a mo.+
7 Me hingir er ka gumbegha nahan hen a ve,+Er anyamazenga u a yer sha gbenda a lu keghen nahan.
8 Me va sha a ve er ka biya* u ônov ve saa un nahan,Me ande ve vanger.
Me ya ve her er ka begha nahan;Inyamkyume i̱ ken toho ia ande ve avur avur.
9 I̱a tim u, we Iserael,Sha ci u u ngu hendan a mo, mo orwasen we.
10 Nahan tor wou ngu hana? A̱ va yima u ase ken agar a ou cii.+
Man mbahemenev ou* mba yange u kaa wer,‘Nam tor, shi nam mbatarev’ la, mba hana?+
11 Yange m na u tor sha ishimavihin,+Shi me tôô un kera sha ishimanyoon.+
12 I kohol afer a Eferaim i kange;*I koso isholibo na.
13 Martoghor ua kuma.
Kpa gema ngu wan u lanen kwagh;Shighe u maren ka una kuma kpa a va ga.
14 Me yima ve sha ikyev i tahav mbu Uwar* u lu a mi la;Me paa ve shin ku.+
We Ku, ishoho you ngi hana?+
We Uwar, kwaghtimin wou ngu hana?+
Nahan kpa, me zungwe mhôônom ga.
15 Aluer una wuha yaghelaa hen atô u ityoho igen kpa,Ahumbe aa va sha ityoughkitaregh, ahumbe a Yehova,Aa mough ken deserti aa va uma ijôr na, shi aa uma hwembemnger na.
Ngula una kura un akaainjaa, ape a koso la cica cii.+
16 A na Samaria ibo,+ sha ci u a hendan kwagh a Aôndo na.+
A wua ve sha sanker,+A ta mbayev vev inya vea sombo vughô vughô,Kasev vev mba uyaav kpaa a ande ve iyav.”
Ngeren mba shin kpe
^ Ka inyamkyume i i yer ken zwa Buter ér bear la.
^ Zwa Heberu, “mbaajiriv ou.”
^ Shin “i ver her.”
^ Shin “Sheol,” ka uwar u uumace je la. Nenge Ngeren u Pasen Asember.
