Hosea 7:1-16
7 “Hanma shighe u ka mea nôngo mer me bee Iserael angev yô,Kwaghbo u Eferaim a lu ken igbar,+Kua ifer i Samaria kpaa.+
Gadia mba eren kwagh sha icugh;+Mbaiv ka ve nyôr ken atô, mbanumungbenda di ve kegh ken won.+
2 Kpa mba kera fe ken ishima ér aferakaa a ve la cii me umbur a ga.+
Aeren a ve kase ve tser, nga sha ishigh yagh bong.
3 Aferakaa a ve er la ka a na tor a ember,Mbahemenev kpaa ve ember sha icugh ve la.
4 Ve cii ka mbadyarev,Mba yeghen er ka atse a orkaanbredi a we usu ker, u lu yeghen ibyugh ibyugh,Je yô nan de u kenden u, shighe u nan lu hôron mwem la zan zan kwa u kar zenden sha mwe tseren, kpa a lu tseen her nahan.
5 Mbatarev gba angev sha iyange i iniongo i tor wase,Wain na ityough gar ve ker.*+
A ya ikyar a mbanahantar.
6 Gadia ve va a asema a yeghen er ka atse nahan.*
Orkaanbredi yav tugh zan zan sev kar aven;Kpa atse nga di yeghen her tsô er ka nomborusu nahan.
7 Ve cii ve tsee er atse a usu nahan,Ka ve hia mbahemenev* vev kera.
Ator a ve cii gba;+Or ve môm yilam ga.+
8 Eferaim nungwa a akuraior.+
Eferaim ngu er ka kuese u i hingir un ga nahan.
9 Atôatyev bee un agee kera,+ kpa a fa ga.
Ivu na kungu, kpa a kav ga.
10 Ihyagh i Iserael tese wang ér ngu a ibo,+Kpa ve hide hen Yehova Aôndo ve ga,+Shi er akaa ne a er nahan cii kpa ve ker un ga.
11 Eferaim ngu er ka ibume-ikyungu u a fe kwagh ga nahan.+
Ve yila Igipiti,+ shi ve za hen Ashiria.+
12 Ape ve yem cii, me cir kper wam sha a ve.
Me hungwa a ve, er ka inyon i purugh sha kwavaôndo nahan.
Me tsaha ve er i vande tan ve icin ken mkohol ve nahan.+
13 Kwagh a tser ve, gadia ve yevese mo!
A tim ve, sha ci u ve erem asorabo!
Yange m kegh iyol u paan ve, kpa ve wam mbaaie iyol.+
14 Yange ve yilam a ishima ve i môm ér m va wase ve ga,+Shin er ve lu ngoron vaan sha ugambe vev nahan kpaa.
Ve lu tôndon avav iyol sha ci u samuyia ve man wain ve u he;Ve mough u hendan a mo.
15 Shin er m kôôm ve,* shi m taver ve ave nahan kpaa,Mba hendan a mo sha u henen kwaghbo ken ishima.
16 Ve gema, kpa ka sha gbenda u hemban doon ga;*Ve lu mba suur sha a ve ga, er ada u a gbe dôugh dôugh nahan.+
Mbavesen vev vea kpe ku u sha sanker sha ci u iliam ve i sha cihi la.
Kwagh ne una na yô a naha ve tar ken tar u Igipiti.”+
