Hosea 4:1-19
4 Ungwa nen kwaghôron u Yehova, ne ior i Iserael,Gadia Yehova ngu ôron ijir a ior mba ve tem ken tar ne la,+Sha ci u mimi ngu ken tar ne ga, shi ior mba tesen dooshima sha mimi ga, shi ve fa Aôndo kpaa ga.+
2 Ior mba bumun sha aie, tsughun ior,+ wuan ior,+Iin shi eren idya+ kpishi.
Ka ve haa awambe inya tsô shi ve gba haan awambe inya.+
3 Ka nahan man tar la ua zungwe ye.+
Ior mba ve tem keregh cii vea saa ishe;Inyamtoho ia tim kua inyon i purugh sha kwavaôndoMan ishu i shin zegemnger je kpaa.
4 “Nahan kpa, or a de hendan a orgen shin kôôm nan+ ga,Gadia ior ou mba er ka ior mba hendan a pristi nahan.+
5 Nahan ne nôngo gbeev atetan gengerege,Profeti kpaa una nôngo gbeev a ven imôngo er ka tugh nahan,Shi me bee a* ngôu.
6 A bee a ior av kera* sha ci u ve ban a mfe.
Er u vende mfe yô,+Mo kpa me venda u, u kera lu pristi wam ga.
Shi er u hungur a tindi* u Aôndo wou yô,+Mo kpa me hungur a ônov ou mba nomso.
7 Er ve lu seer ingyegh la, asorabo a ve lu eren mo la kpa lu seer.+
Me gema iengem ve ia hingir ihyeen.*
8 Ka asorabo a ior av ve ye a mi ye,Shi mba eren hua sha* atindi a ve a peren.
9 Ka kwagh u una er ior la una er pristi kpaa ye.
Me pine ve kwagh sha akaa a ve eren la.
Me tsaha ve sha ci u aeren a ve la.+
10 Vea ya kwagh kpa a kuma ve ga.+
Vea er idya* kpishi kpa vea seer iyenge ga,+Sha ci u ve de u keghen ato a Yehova.
11 Idya* man wain kua wain u heKa ve na i kera sar or u eren kwagh u shami ga.*+
12 Ior av ka ve pine ieev vev mbi sha ikyon kwagh,Ve er kwagh u gbough vev* ku ôr ve la;Sha ci u ieren i idyaa* ka i na ve tsume,Shi idya ve i eren* la na yô ka ve venda hemen u Aôndo ve.
13 Ka ve nande iniav sha ityouv mbi iwoov,+Shi ve er mnyim ma iniav ma duen sha agunguKua shin atine a ikyon i ouki man i setoraki kua hanma zegekon cii,+Sha ci u i gba mure doo.
Ka sha ci u nahan man ônov enev mba kasev ve eren idya* ye.
Kasev mba ônov enev kpaa mba eren idya.
14 Me tsaha ônov ou mba kasev sha ci u idya* ve ga,Shi kasev mba ônov ou kpaa me tsaha ve sha idya ve la ga.
Sha ci u nomso ka ve yem kwagh ve vea mbaagbaga;*Ve za naan iniav vea mbaagbaga mba ken tempel;Ior mba ve fe kwagh môm ga+ ne vea tim.
15 We Iserael,+ er u lu eren idya* nahan kpa,Yuda yô a̱ de ye ibo ga.+
De ve hen Gilgal+ shin hen Bete-aven+ ga,Shi de bumun wer, ‘Er Yehova a lu u uma ne!’+ kpaa ga.
16 Sha ci u Iserael taver ityough er ka bua u nômbon ikyôr nahan.+
Shi Yehova una kura ve er ka gumiyôngo u a lu yan toho gbangelaa* nahan je kpa?
17 Eferaim nyôr ieev mbi civir.+
De un a lu kwagh na!
18 Msôrom vem ka ma a been yô,Ve yem idya i* eren kpoghuloo.
Mbahemenev nav* soo ihyeen kpishi.+
19 Ahumbe aa fiir un* ken akper a a,Vea va ahenge sha ci u iniav vev mbira.”
Ngeren mba shin kpe
^ Shin “me tim.”
^ Shin “A tim ior av.”
^ Shin “kwaghwan.”
^ Shin a fatyô u kaan ér, “Sha ityough ki nan mo icivir la yô, ve gema ve laham.”
^ Shin “maa uuma vev iyol a.” Nenge Ngeren u Pasen Asember, “Uma.”
^ Shin “ijimba; gbaga.”
^ Zwa Heberu, “ka ve ngohol or ishima.”
^ Shin “ijimba; gbaga.”
^ Shin “gbough ku orkpehenishor.”
^ Shin “i ijimbagh; i gbaga.”
^ Shin “gbaga ve u eren; ijimba ve i eren.”
^ Shin “ijimba; gbaga.”
^ Shin “ijimba; gbaga.”
^ Shin “ukalua”
^ Shin “ijimba; gbaga.”
^ Zwa Heberu, “hen ijiir i gbar gbar.”
^ Shin “ijimba i; gbaga u.”
^ Shin “Mbakuran un.” Zwa Heberu, “Ipyerutya na.”
^ Shin “aa purugh a na kera.” Ka Eferaim je la.
