Hosea 5:1-15
-
I ôr Eferaim man Yuda ijir (1-15)
5 “Ungwa nen kwagh ne, ne upristi,+Ver nen ishima, ne ya u Iserael,Shi kegh nen ato, ne mba hen ya u tor,Gadia ijirôron la wa ne ker;Sha ci u ne mba kwaghhônon hen Misepa,Shi ne mba kper u i hee sha Tabor+ yô.
2 Mbahembanato wua kwagh kpishi,Man ve cii m ngu tan ve icin.*
3 M fa Eferaim,Iserael kpa ngu myer sha ishigh yagh ga.
Gadia hegen ne, we Eferaim, u nyôr iyol ken idya i eren kpishi;*Iserael hôngor iyol na.+
4 Aeren a ve nga yangen ve u hiden hen Aôndo ve,Sha ci u ieren i idyaa* ngi hen atô ve;+Shi kwagh gbe ve sha kwagh u Yehova ga.
5 Ihyagh i Iserael ngi nan un ibo ken igbar;*+Kwaghbo u Iserael man u Eferaim la na ve gbeev mbu nôngon,Yuda kpa nôngo gbeev a ve imôngo.+
6 Ve za a akum a iyôngo a ve kua ibua ve, u za keren Yehova,Kpa ve zua a na ga.
A undu ve.+
7 Ve er kwagh a Yehova sha mimi ga,+Ve mar ônov mba ken atôatyev.*
Hegen ne, a tim ve kua kwar ve* cii ken atô u uwer môm.
8 Tôngo korough+ ken Gibea, busa kpaa ken Rama!+
Gbire vaa u utya ken Bete-aven;+ hemen, we Benyamin!
9 We Eferaim, u hingir kwagh u cieryol sha iyange i mtsaha.+
M pase kwagh u una er uipyaven mba Iserael kpee a bunde ga la.
10 Mbatarev mba Yuda mba er ka mba ve lu kporom a ikighir i inyaagh nahan.+
Me haa iyugh yam sha a ve er ka mngerem nahan.
11 I kighir Eferaim a ican, ijirôron cagh un a cagh,Gadia yange kange ishima u dondon sha orhyom na.+
12 Nahan yange m hingir Eferaim er ivina nahan,M lu ya u Yuda er ka kwagh u hôôn yô.
13 Zum u Eferaim nenge a angev nav, shi Yuda kpa nenge a avav a na yô,Eferaim za hen Ashiria,+ a tindi ior hen zegetor.
Kpa yange fatyô u been we angev ga,Shi fatyô u been we avav kpaa ga.
14 Me lu er ka gumbegha nahan hen Eferaim,Man er begha u taver iyol* nahan hen ya u Yuda.
Me ande ve avur avur, me yem kera;+Me tôô ve me yem a mi, or u yiman ve nana lu ga.+
15 Me hide me yem hen ijiir yam, me za lu her zan zan vea kar zuan a injar sha ibo ve.
Ka hen shighe la man vea ker iwasen yam*+ ye.
Kwagh a tser ve tsô vea kerem.”+
Ngeren mba shin kpe
^ Shin “me tsaha ve.”
^ Shin “ijimba i eren; gbaga u eren.”
^ Shin “ijimbagh; gbaga.”
^ Zwa Heberu, “sha ishigh nagh.”
^ Shin “ishule ve.”
^ A̱ shi nan kpa ka ônov mba ve mar vea kasev mba ken atôatyev, nahan ônov mbara lu paleghaa a Aôndo yô.
^ Shin “gumbegha u taver iyol.”
^ Zwa Heberu, “ishigh yagh.”
