Hosea 14:1-9
14 “Hide hen Yehova Aôndo wou,+ we Iserael,Gadia kwaghbo wou la na u gbeev mbu nôngon.
2 Hide nen hen Yehova a mkaanem man,Kaa nen a na ner, ‘Ma u de se kwaghbo wase,+ shi ma u lumun kwagh u dedoo u se er la,Nahan se na u iwuese i sha ityumbujôôgh,+ vough er a lu sha agumabua kpa ma se ne u nahan.*
3 Ashiria una yima se ga.+
Se henda anyinya ga,+Se kera yila kwagh u se er un sha ave a ase la ser, “Aôndo wase!” ga,Gadia ka we u zungu ancôghol mhôônom ye.’+
4 Me bee ve angev vev mbu eren kwagh sha mimi ga la.+
Me soo ve a ishima yam,*+Sha ci u ishima kera vihim a ve ga.+
5 Me hingir Iserael er ka avure nahan;Una mondo er ka faluwa yô,Shi una wa amise, aa yem shin inya er ka ikyon i ken Lebanon nahan.
6 Agbaa a na aa samber,Una kuma ashe er ka kon u olev nahan,Shi ihyuma na i doon kpaa ia lu er ka i Lebanon yô.
7 Vea tema ken mure na.*
Vea lôô iyiav, vea kpar er ka kon u wain nahan.+
Gwa na ua za* er ka wain u ken Lebanon nahan.
8 Eferaim una pine ér, ‘Ka nyi shi i gbem a ieev?’+
Me na imo, shi me nenge sha a na kpaa.+
Me lu er kon u yunipa u shough shough nahan.
Ka hen a mo man a zua a atam a ou ye.”
9 Ka an nan lu a kwaghfana? Yô nana kav akaa ne.
Ka an nan bugh ashe? Yô nana fa a.
Gadia igbenda i Yehova ngi jighilii,+Orperapera nana zende sha i;Kpa mbaperenatindi yô, vea nôngo gbeev sha i.
