Luka 11:1-54
11 Sasa wakati alipokuwa mahali fulani akisali, alipoacha, mmoja wa wanafunzi wake akamwambia: “Bwana, tufundishe jinsi ya kusali,+ kama vile Yohana pia alivyowafundisha wanafunzi wake.”+
2 Ndipo akawaambia: “Wakati wowote mnaposali,+ semeni, ‘Baba, jina lako na litakaswe.+ Ufalme wako na uje.+
3 Utupe mkate+ wetu kwa ajili ya siku kulingana na mahitaji ya siku hiyo.
4 Na utusamehe dhambi zetu,+ kwa maana sisi wenyewe pia humsamehe kila mtu aliye na deni letu;+ na usituingize katika jaribu.’ ”+
5 Tena akawaambia: “Ni nani kati yenu aliye na rafiki naye amwendee katikati ya usiku na kumwambia, ‘Rafiki, nikopeshe mikate mitatu,
6 kwa sababu rafiki yangu amenijia sasa hivi kutoka safarini nami sina kitu cha kuweka mbele yake’?
7 Na huyo aliye ndani ajibu na kusema, ‘Acha kunisumbua.+ Tayari mlango umefungwa, na watoto wangu wachanga wako pamoja nami kitandani; siwezi kuamka nikupe chochote.’
8 Ninawaambia ninyi, Ijapokuwa hataamka ampe chochote kwa sababu ya kuwa rafiki yake, hakika kwa sababu ya kudumu kwake kwa ujasiri,+ ataamka na kumpa vitu anavyohitaji.
9 Basi ninawaambia ninyi, Endeleeni kuomba,+ nanyi mtapewa; endeleeni kutafuta,+ nanyi mtapata; endeleeni kupiga hodi, nanyi mtafunguliwa.
10 Kwa maana kila mtu anayeomba hupokea,+ na kila mtu anayetafuta hupata, na kila mtu anayepiga hodi hufunguliwa.
11 Kwa kweli, ni baba gani kati yenu ambaye, ikiwa mwana+ wake anaomba samaki, labda atampa nyoka badala ya samaki?
12 Au ikiwa pia anaomba yai, atampa nge?
13 Kwa hiyo, ikiwa ninyi, mjapokuwa waovu, mnajua jinsi ya kuwapa watoto+ wenu zawadi zilizo njema, je, Baba aliye mbinguni hatawapa hata zaidi roho takatifu+ wale wanaomwomba!”
14 Baadaye alikuwa akifukuza roho mwovu aliye bubu.+ Baada ya roho huyo mwovu kutoka, yule bubu akazungumza. Nao umati wakastaajabu.
15 Lakini watu fulani kati yao wakasema: “Yeye huwafukuza roho waovu kupitia Beelzebuli mtawala wa roho waovu.”+
16 Hata hivyo, wengine, ili kumjaribu, wakaanza kutafuta kwake ishara+ kutoka mbinguni.
17 Akijua mawazo+ yao akawaambia: “Kila ufalme uliogawanyika juu yake wenyewe hufanywa ukiwa, na nyumba iliyogawanyika juu yake yenyewe huanguka.+
18 Kwa hiyo ikiwa Shetani pia amegawanyika juu yake mwenyewe, ufalme wake utasimamaje?+ Kwa sababu ninyi mnasema mimi hufukuza roho waovu kupitia Beelzebuli.
19 Ikiwa ni kupitia Beelzebuli mimi hufukuza roho waovu, wana+ wenu huwafukuza kupitia nani? Kwa hiyo wao watakuwa waamuzi wenu.
20 Lakini ikiwa mimi huwafukuza roho waovu kupitia kidole+ cha Mungu, ufalme wa Mungu kwa kweli umewafikia.+
21 Wakati mtu mwenye nguvu,+ mwenye silaha za kutosha, anapolinda jumba lake, mali zake hukaa kwa amani.
22 Lakini mtu fulani mwenye nguvu+ zaidi yake anapokuja juu yake na kumshinda,+ yeye huchukua silaha zake zote alizokuwa akitegemea, naye hugawanya vitu ambavyo yeye alimpora.
23 Yule ambaye hayuko upande wangu ananipinga, na yule ambaye hakusanyi pamoja nami anatawanya.+
24 “Wakati roho mchafu anapomtoka mtu, hupita katika mahali palipokauka akitafuta mahali pa kupumzika, na, baada ya kukosa, husema, ‘Nitarudi kwenye nyumba yangu niliyoihama.’+
25 Naye anapofika huikuta ikiwa imefagiliwa ikawa safi na kupambwa.
26 Ndipo huyo huenda na kuchukua roho saba+ tofauti walio waovu kuliko yeye mwenyewe waambatane naye, na, baada ya kuingia ndani, wao hukaa humo; na hali ya mwisho ya mtu huyo huwa mbaya zaidi kuliko ile ya kwanza.”+
27 Sasa alipokuwa akisema hayo mwanamke fulani katika umati akainua sauti yake akamwambia: “Lenye furaha ni tumbo la uzazi+ lililokuchukua wewe na maziwa uliyonyonya!”
28 Lakini akasema: “Hapana, badala yake, Wenye furaha ni wale wanaolisikia neno la Mungu na kulishika!”+
29 Umati walipokuwa wakisongamana pamoja, akaanza kusema: “Kizazi hiki ni kizazi kiovu; kinatafuta ishara.+ Lakini hakuna ishara ambayo kitapewa ila ishara ya Yona.+
30 Kwa maana kama vile Yona+ alivyokuwa ishara kwa Waninawi, ndivyo Mwana wa binadamu atakavyokuwa pia kwa kizazi hiki.
31 Malkia+ wa kusini atasimamishwa katika hukumu pamoja na watu wa kizazi hiki naye atawahukumu kuwa wenye hatia; kwa sababu yeye alikuja kutoka miisho ya dunia ili aisikie hekima ya Sulemani, lakini, tazameni! Aliye mkuu+ kuliko Sulemani yupo hapa.
32 Watu wa Ninawi watasimama katika hukumu pamoja na kizazi hiki nao watakilaumu; kwa maana walitubu kutokana na mahubiri ya Yona;+ lakini, tazameni! Aliye mkuu+ kuliko Yona yupo hapa.
33 Baada ya kuwasha taa, mtu huiweka, si katika ghala wala chini ya kikapu cha kupimia, bali juu ya kinara cha taa,+ ili wale wanaoingia ndani wapate kuiona nuru.
34 Taa ya mwili ni jicho lako. Jicho lako linapokuwa rahisi, mwili wako wote huwa mwangavu+ pia; lakini linapokuwa bovu, mwili wako huwa na giza pia.
35 Kwa hiyo, ukae macho. Labda nuru iliyo ndani yako ni giza.+
36 Kwa hiyo, ikiwa mwili wako wote ni mwangavu bila sehemu yenye giza hata kidogo, wote utakuwa mwangavu+ kama wakati ambapo taa inakupa nuru kwa miale yake.”
37 Baada ya kusema hayo, Farisayo mmoja akamwomba ale+ pamoja naye. Kwa hiyo akaingia na kuketi mezani.
38 Hata hivyo, Farisayo huyo akashangaa kuona kwamba hakunawa+ kwanza kabla ya chakula hicho.
39 Lakini Bwana akamwambia: “Sasa ninyi Mafarisayo, husafisha upande wa nje wa kikombe na sahani, lakini upande wenu wa ndani+ umejaa uporaji na uovu.+
40 Ninyi watu msio na akili! Yule aliyeufanya upande wa nje+ aliufanya upande wa ndani pia, sivyo?
41 Hata hivyo, vitoeni viwe kama zawadi za rehema+ vitu vilivyo ndani, na, tazama! vitu vingine vyote ni safi kuwahusu ninyi.
42 Lakini ole wenu ninyi Mafarisayo, kwa sababu ninyi hutoa sehemu ya kumi+ ya mnanaa na mchicha na ya kila mboga nyingine za majani, lakini ninyi hupuuza haki na upendo kwa Mungu! Mambo hayo mlikuwa na wajibu wa kuyafanya, na bado kutoyaacha yale mengine.+
43 Ole wenu ninyi Mafarisayo, kwa sababu ninyi hupenda viti vya mbele katika masinagogi na salamu katika masoko!+
44 Ole wenu, kwa sababu ninyi ni kama makaburi yasiyoonekana, hivi kwamba watu hutembea juu yake nao hawajui!”+
45 Mtu fulani kati ya wale wenye ujuzi mwingi+ wa Sheria akajibu, akamwambia: “Mwalimu, kwa kusema mambo hayo unatutusi pia.”
46 Ndipo akasema: “Ole wenu pia ninyi mlio na ujuzi mwingi wa Sheria, kwa sababu ninyi huwatwika watu mizigo iliyo mizito kubebwa, lakini ninyi wenyewe hamwigusi mizigo hiyo kwa kimoja cha vidole vyenu!+
47 “Ole wenu ninyi, kwa sababu ninyi huyajenga makaburi ya manabii, lakini mababu zenu waliwaua!+
48 Hakika ninyi ni mashahidi wa matendo ya mababu zenu na bado ninyi mnawapa kibali,+ kwa sababu hao waliwaua+ manabii lakini ninyi mnayajenga makaburi yao.
49 Kwa ajili ya hili hekima+ ya Mungu ilisema pia, ‘Nitatuma kwao manabii na mitume, nao watawaua na kuwatesa baadhi yao,
50 ili damu ya manabii+ wote iliyomwagwa tangu kuwekwa msingi wa ulimwengu ipate kudaiwa kutoka kwa kizazi+ hiki,
51 tangu damu ya Abeli+ mpaka damu ya Zekaria,+ aliyeuawa katikati ya madhabahu na ile nyumba.’+ Ndiyo, ninawaambia ninyi, itadaiwa kutoka kwa kizazi hiki.
52 “Ole wenu ninyi wenye ujuzi mwingi wa Sheria, kwa sababu mliuondoa ufunguo wa ujuzi;+ ninyi wenyewe hamkuingia, na wale wanaoingia mliwazuia!”+
53 Basi alipotoka hapo waandishi na Mafarisayo wakaanza kumsonga sana na kumuuliza maswali juu ya mambo zaidi,
54 wakimtega,+ ili wapate+ kitu fulani kutoka kinywani mwake.
