Hosea 13:1-16
13 „Te Efrayim ben e taki, sma ben e beifi.Sma ben abi furu lespeki gi en na ini Israel.
Ma a sondu fu di a bigin anbegi Bâal. Ne a dede.
2 Now den sma fu Efrayim e du moro sondu.Den tyari ala a solfru fu den go na wan smeti fu a meki popki gi den.Den smeti fu den sabi fa fu meki falsi gado.
Den taki: ’Meki den sma di e tyari ofrandi, bosi den pkin kaw.’
3 Dati meki den sma disi o tron leki wolku na m’manten-yuruèn leki dow di e gwe es’esi.Den o tron leki aleisibuba di e wai gwe fu a gron pe sma e masi aleisièn leki smoko di e kmopo na den dak fu den oso.
4 Sensi a ten di unu ben de na Egepte, mi na Yehovah, un Gado.Unu no ben sabi nowan tra Gadoèn nowan tra ferlusuman, boiti mi.
5 Na mi ben e sorgu unu na ini a sabana, a presi di ben drei srefsrefi.
6 A pipel nyan den bere furu nanga a n’nyan di den gron fu den ben gi.Ne den kisi heimemre.
Dati meki den fergiti mi.
7 Mi o tron leki wan yongu lew gi den.Mi o de leki wan penitigri di e luru na seipasi.
8 Mi o kon na den tapu leki wan beer di lasi en pkinèn mi o priti den borsu opo.
Leti drape mi o nyan den leki wan lew.Wan ogri busmeti o priti den pispisi.
9 Un Israelsma, unu o dede,bika unu opo unsrefi teige mi, a sma di ben yepi unu.
10 We dan, pe a kownu fu unu de? Meki a ferlusu unu na ini ala den foto fu unu.Pe den tiriman* fu unu de?Unu ben taki fu den: ’Gi wi wan kownu èn gi wi granman fu tiri wi.’
11 Mi ben mandi, ma tòg mi gi unu wan kownu.Now mi o puru a kownu nanga bigi atibron.
12 Den fowtu fu Efrayim tai na ini wan bondru.Den sondu fu en kibri poti na wan sei.
13 En m’ma o kisi hebi pen te a de fu meki en.
Ma en na wan don pkin,bika te a ten doro fu en m’ma meki en, dan a no wani kmoto na ini en m’ma bere.
14 Na mi e puru sma na ini Grebi.*Na mi e puru den na a anu fu dede.
Dede, pe den maka fu yu de?
Grebi,* yu man tyari pori kon ete?
Ma mi no o abi sar’ati gi mi pipel.*
15 Srefi efu Efrayim kon de leki wan warimbo* di e gro bun,wan winti fu owstusei, wan winti fu Yehovah, o wai kon.A o wai kon fu a sabana èn a o drei a watra-olo nanga a peti fu en.
Sma o fufuru ala den gudu nanga ala den diri sani fu en.
16 Den sma fu Samaria o kisi strafu, bika den opo densrefi teige a Gado fu den.
Nanga fet’owru sma o kiri den.Sma o kiri den pkin fu den na wan ogr’ati fasièn den o priti a bere opo fu den uma di de nanga bere.”
