Hosea 14:1-9
14 „Un Israelsma, un drai kon baka na Yehovah un Gado,bika a sondu fu unu meki taki unu fadon.
2 Te unu o drai kon baka na Yehovah, dan unu musu taki den sani disi:’Wi e begi yu fu gi wi pardon fu den sondu fu wi èn fu si den bun sani di wi e du.Wi o prèise yu. Den wortu fu wi mofo o de leki yongu mankaw di wi e tyari leki srakti-ofrandi gi yu.
3 Asiria no o ferlusu wi.
Wi no o rèi na tapu asi.Noiti moro wi o meki wan sani èn kari en ’wi Gado’,bika na yu sori sar’ati gi den pkin di no abi p’pa.’
4 Mi o meki a pipel disi kon betre, dan den o arki mi baka.
Mi o lobi den fu di mi srefi wani dati.Mi ati no o bron nanga den moro.
5 Mi o tron leki dow gi Israel.A o gro moi leki wan leilibromkièn a o panya den rutu fu en leki den bon fu Libanon.
6 Den pkin taki fu en o gro kon bigièn a o moi leki wan olèifbon.A o smeri switi leki wan bon fu Libanon.
7 Mi pipel o tan baka na a kowrupe fu mi.
Den o prani aleisi èn den o sproiti leki wan droifibon.
Sma o taki fu mi neleki fa den e taki fu a win fu Libanon.
8 Efrayim o taki: ’San mi abi fu du nanga falsi gado?’
Mi srefi o piki en èn mi o luku en.
Mi de leki wan yaneifer-bon di abi furu w’wiri.
Unu o feni froktu na mi.”
9 Suma koni nofo fu man ferstan den sani disi?
Suma e si sani krin fu man sabi den sani disi?
Den pasi fu Yehovah retièn den sma di e du san reti o waka na tapu den pasi dati.Ma den sma di no e du san reti, o stotu den futu na tapu den pasi dati.
