Hosea 5:1-15
-
A krutuboskopu gi Efrayim nanga Yuda (1-15)
5 „Arki, un priesterèn poti prakseri, un Israelsma.Meki den sma na ini na oso fu Kownu yere tu,bika un alamala o kisi krutu.Unu de leki wan val gi den sma na Mispaèn leki wan net di bradi na tapu Tabor.
2 Den sma di drai baka gi Gado* srakti furu meti.*Ma mi e warskow* den alamala.
3 Mi sabi Efrayimèn Israel no man kibri gi mi.
Ma now yu e huru, Efrayim.Israel doti ensrefi.
4 Den sani di den e du meki taki den no man drai kon baka na a Gado fu den.Hurulibi de na den prakseri ala tenèn den no e teri Yehovah.
5 Na a bigifasi fu Israel e krutu en.Israel nanga Efrayim fadon fu di den sondu.Yuda srefi fadon makandra nanga den.
6 Den tyari den skapu nanga den kaw fu den leki ofrandi gi Yehovah,ma tòg a no feni den bun.
A gwe libi den.
7 Den drai baka gi Yehovahfu di den meki manpkin di Gado no sabi.*
Na ini wán mun nomo den o dede gwe* nanga den sani fu den.*
8 Bro wan tutu na Gibeya èn wan trompet na Rama!
Meki b’bari na Bet-Afen neleki te sma e go na feti. Benyamin, wi de na yu baka!
9 Efrayim, sma o skreki te den si san psa nanga yu na a dei di yu kisi strafu.
Mi ferteri den lo fu Israel san o psa nanga den trutru.
10 Den granman fu Yuda e bedrigi trawan neleki den sma di e fufuru wan pisi fu a gron fu a sma di e tan na den sei.*
Neleki watra mi o kanti mi atibron na den tapu.
11 Sma e pina Efrayim. Nanga reti den masi enfu di a ben de nomonomo fu suku yepi na en feanti.
12 Dati meki mi ben de leki wan woron* di nyan Efrayimèn leki wan sani di meki Yuda pori gwe.
13 Efrayim ben si taki a siki èn Yuda ben si taki a abi wan butsweri.Dati meki Efrayim go na Asiria èn a seni kari wan makti kownu.
Ma a kownu srefi no ben man dresi unu.A no ben abi nowan dresi gi a butsweri fu unu.
14 Neleki wan yongu lew mi o kon na tapu Efrayim.Neleki wan tranga lew* mi o kon na tapu Yuda.
Mi o priti den na pispisi, dan mi o tyari den gwe.Nowan sma o man ferlusu den.
15 Mi o gwe. Mi o drai go baka na mi presi èn mi o tan drape, teleki den pai fu den ogri di den du.Dan den o kon suku mi.
Te ogri e miti den, den o suku mi.”
Futuwortu
^ Noso: „Den sma di opo densrefi teige Gado”.
^ Noso: „den kiri furu sma”.
^ Noso: „mi o strafu”.
^ A kan taki disi ben de manpkin di no ben e dini Gado fu di den m’ma ben de trakondre uma.
^ Hebrewtongo: „Wan mun o nyan den”.
^ Noso: „den gron fu den”.
^ Noso: „neleki den sma di e skoifi den marki fu wan tra sma en gron”.
^ Bakratongo: „mot”. Wan mot gersi wan vlinder, ma efu a no kon bigi ete a e gersi wan woron èn a e nyan krosi.
^ Noso: „wan yongu lew di abi w’wiri na en neki kba”.
