Hosea 8:1-14
8 „Bro wan tutu!
Wan sma o kon leki wan aka na tapu na oso fu Yehovahfu di mi pipel no hori ensrefi na mi ferbontu èn den trangayesi den wet fu mi.
2 Den e bari gi mi: ’Yu na wi Gado. Israel sabi yu.’
3 Israel trowe bun sani gwe.
Meki wan feanti fu en lon na en baka.
4 Den poti kownu gi densrefi, ma a no mi taigi den fu du dati.
Den poti granman gi densrefi, ma den no aksi mi fu du dati.
Den teki a solfru nanga a gowtu di den abi, dan den meki popki fu anbegi den.Dati meki den o dede.
5 Samaria, mi trowe a gado fu yu di gersi wan pkin kaw.
Mi ati bron srefsrefi nanga yu, Samaria.
O langa a o teki fosi yu kon krin baka?*
6 Bika a gado di gersi wan pkin kaw kmoto fu Israel.
A gado dati a no a tru Gado. Na wan wrokoman meki en.Sma o broko a gado fu Samaria pispisi.
7 Na winti den e saièn na draiwinti den o koti.
Nowan lepi aleisi de na den aleisitiki.Nowan pransun e gi n’nyan fu sma kan meki blon fu en.
Ma efu tòg wan pransun e gi n’nyan, dan na trakondre sma* o nyan en.
8 Sma o pori a kondre Israel.
Now den Israelsma o de na mindri den tra pipelleki wan prapi di nowan sma wani.
9 Neleki wan tranga-ede sabanaburiki den go na Asiria.
Den Efrayimsma go na den huru-uma.
10 Ma awinsi den e go na den huru-uma fu tra kondre,tòg mi o tyari den kon na wán now.Den o pina fu di a kownu nanga den granman o poti wan hebi lai na den tapu.
11 Efrayim bow moro altari fu sondu.
A e gebroiki den altari fu du moro sondu.
12 Mi skrifi omeni wet gi en.*Ma a du leki a no sabi nowan fu den sani dati.
13 Den e tyari srakti-ofrandi gi mi èn den e nyan a meti.Ma mi, Yehovah, no lobi dati.
Now mi o memre den ogri di den du èn mi o strafu den gi den sondu fu den.
Den drai go baka* na Egepte.
14 Israel fergiti a Mekiman fu en èn a bow tempel.Yuda bow moro foto di abi bigi skotu.
Ma mi o seni faya go na den foto fu en.A faya o bron den toren fu ala den foto.”
