Hosea 3:1-5

  • Hosea teki en frow baka di ben waka gi en (1-3)

  • Israel o drai kon baka na Yehovah (4, 5)

3  Dan Yehovah taigi mi: „Go baka na yu frow, aladi a go suku lobi na wan tra man. Yu musu lobi en, aladi a waka gi yu. Bika na so Yehovah lobi den Israelsma, aladi den e dini tra gado èn den e tyari krentikuku* gi den.” 2  Na so mi go bai mi frow baka. Mi pai 15 pisi solfru moni èn wán nanga afu bari* groto* gi en. 3  Dan mi taigi en: „Yu musu tan nanga mi wan heri pisi ten, yu no musu huru èn yu no musu d’don nanga wan tra man. Mi srefi no o d’don nanga yu.” 4  Bika wan heri pisi ten* den Israelsma no o abi wan kownu noso wan granman. Den no o tyari srakti-ofrandi èn den no o anbegi nowan santa pilari,* efod,* noso terafim-popki.* 5  Bakaten, den Israelsma o drai kon baka èn den o suku Yehovah, a Gado fu den, nanga David, a kownu fu den. Na ini den lasti dei den o kon na Yehovah. Den o beifi èn den o aksi en fu sori den bun-ati.

Futuwortu

^ Sma ben e gebroiki den krentikuku disi fu anbegi falsi gado.
^ Noso: „homer”‏. Luku „Tra prenspari sani” B14.
^ Groto na wan sani di gersi aleisi. Bakratongo: „gerst”.
^ Hebrewtongo: „furu dei”.
^ Noso: „oso-gado”.

Auteursrechten voor deze publicatie