Hosea 11:1-12
11 „Di Israel ben de wan boi, mi ben lobi en.Mi kari mi manpkin kmoto na Egepte.
2 O moro den* ben e kari den Israelsma,o moro den Israelsma ben e drai baka gi den.
Den tan tyari srakti-ofrandi gi den Bâal-popkièn den ben e tyari ofrandi gi den tra popki di den ben e anbegi.
3 Ma na mi leri Efrayim fu waka. Mi ben opo en èn mi hori en na ini mi anu,ma a no ben e si mi leki a sma di dresi en.
4 Nanga t’tei fu libisma,* iya, nanga t’tei fu lobi mi ben e tyari mi pipel.Mi ben de leki a sma di e puru a tyatyari na den neki.*Na wan switi fasi mi tyari n’nyan gi ibriwan fu den.
5 Den no o drai go baka na Egepte. Ma Asiria o tiri denfu di den no wani drai kon baka na mi.
6 Fu di den abi ogri sani na prakseri, meki wan fet’owru o pori den foto fu den.A o broko den sroto fu den foto èn a o kiri den.
7 Mi pipel lobi fu trangayesi mi.
Sma e kari den fu go na a Moro Heiwan, ma nowan fu den e opo du wan sani.
8 Fa mi kan gwe libi yu, Efrayim?
Fa mi kan libi yu gi den feanti fu yu, Israel?
Fa mi kan du a srefi sani nanga unu leki san mi du nanga Adma?
Fa mi kan meki yu tron leki Sebowim?
Mi kenki prakseri now.Mi o sori sar’ati gi unu.*
9 Mi no o puru atibron na un tapu.
Mi no o pori Efrayim baka,bika mi na Gado, mi a no wan libisma.Mi na a Santawan na un mindrièn mi no o kon na un tapu nanga atibron.
10 A pipel o waka baka Yehovah. Leki wan lew a o bari.Te a o bari, den pkin fu en o kmoto na west-sei èn beifbeifi den o kon na en.
11 Den o beifi leki wan fowru te den o kmoto na Egepte.Leki wan doifi den o kmoto na Asiria.Mi o meki den tan na ini den eigi oso”, na so Yehovah taki.
12 „Soso lei Efrayim e lei gi mièn na soso bedrigi Israel e bedrigi mi.
Ma Yuda e waka nanga Gado ete.A e du san a Moro Santawan taki.”
