Hosea 12:1-14
12 „Efrayim e nyan winti
èn heri dei a e lon baka a winti di e kmoto fu owstusei.
Moro nanga moro a e lei èn a e du ogri nanga trawan.
A meki wan ferbontu nanga Asiria èn a tyari oli gi Egepte.
2 Yehovah o tyari Yuda go na fesi krutuèn a o aksi Yakob frantwortu fu den sani di a du.A o strafu Yakob fu den sani dati.
3 Na ini en m’ma bere Yakob grabu en brada na en bakafutuèn nanga ala en krakti a feti nanga Gado.
4 A tan feti nanga wan engel èn a wini.
A ben e krei èn a ben begi fu man kisi wan blesi.”
Na Betel Gado feni en èn na drape Gado bigin taki nanga unu.*
5 A Gado dati na Yehovah, a Gado di e tiri den legre.Ala ten sma o sabi en leki Yehovah.
6 „Dati meki un musu drai go baka na un Gado.Un musu sori lobi* èn un musu du san reti.Ala ten un musu howpu tapu un Gado.
7 Ma den bisnisman* e bedrigi sma nanga den wegi fu den.Den lobi bedrigi sma.
8 Efrayim e tan taki: ’Ai, mi kon gudu.Mi feni furu gudu.
Nowan sma kan taki dati na ogri mi du fu kisi den gudu disi. Mi wroko tranga fu den.’
9 Sensi a ten di unu ben de na Egepte, mi na Yehovah, un Gado.
Mi o meki unu tan na ini tenti baka,neleki fa unu ben tan na ini tenti na den fesadei.*
10 Mi ben taki nanga den profeitièn mi ben gi den furu fisyun.Mi ben meki den profeiti ferteri agersitori.
11 Den sma fu Gilead ben e bedrigi sma* èn den ben e lei.
Na Gilgal den tyari mankaw leki srakti-ofrandi.Den altari fu den de leki ipi ston na den gron di plugu kba.
12 Yakob lon go na den gron fu Aram.*Na drape Israel wroko fu kisi wan frow.A ben e luku skapu fu kisi wan frow.
13 Yehovah gebroiki wan profeiti fu tyari Israel kmoto na Egepte.A meki wan profeiti kibri en.
14 Efrayim meki Gado kisi bigi atibron.A o tyari a frantwortu fu den sma di a kiri.En Masra o strafu en fu a syen di a gi en.”
