Hosea 6:1-11
6 „Kow drai go baka na Yehovah,bika a priti wi na pispisi, ma a o dresi wi.
A naki wi, ma a o tai den soro fu wi.
2 Baka tu dei a o gi wi krakti baka.
Na a di fu dri dei a o meki wi opoèn wi o libi na en fesi.
3 Dan wi o sabi Yehovah, iya, wi o du ala muiti fu kon sabi en.
A o kon seiker neleki fa a son e opo ibri m’manten.A o kon na wi neleki fa alen e fadon.A o kon neleki alen di e nati a gron na a bigin fu a yari.”
4 „Efrayim, san mi musu du nanga yu?
Yuda, san mi musu du nanga yu?
A lobi* fu unu de leki wolku na m’manten-yuruèn leki dow di e gwe es’esi.
5 Fu dati ede, mi o meki den profeiti koti den troweèn mi o kiri den nanga den sani di mi e taki.
Den krutuboskopu di mi o seni gi den, o skèin leki a leti.
6 Bika a no te wan sma tyari srakti-ofrandi gi mi, dan mi e prisiri, ma na te a e du san mi taki.*A no te wan sma e tyari bron-ofrandi gi mi, dan mi e prisiri, ma na te a sabi Gado.
7 Den de leki den tra libisma fu di den no hori densrefi na a ferbontu.
Den drai baka gi mi na ini a kondre fu den.
8 Gilead na wan foto pe sma gwenti du ogri.Den e waka na ini brudu.
9 Den priester de leki ogr’ati fufurman di e luru fu du trawan ogri.
Den e kiri sma na seipasi na Sikem.Den e du ogri sondro fu syen.
10 Mi si wan bun ogri sani na ini Israel.
Na drape Efrayim e huru.Israel doti ensrefi.
11 Gi yu, Yuda, wan spesrutu ten seti kba fu du kotiwroko.Mi o tyari mi pipel kon baka di sma ben tyari gwe nanga tranga.”
