Hosea 4:1-19

  • Yehovah tyari Israel go na fesi krutu (1-8)

    • Nowan sma ini a kondre sabi sani fu Gado (1)

  • Israel e du afkodrei èn a e huru (9-19)

    • A hurulibi fu en meki a lasi pasi (12)

4  Un Israelsma, arki san Yehovah abi fu taki.Yehovah o tyari den sma di e tan na ini a kondre, go na fesi krutu.Bika nowan sma na ini a kondre de eerlijk, nowan sma abi bun-ati* èn nowan sma sabi sani fu Gado.  2  Na ala sei yu abi sma di no e du san den pramisi, den e lei, den e kiri sma,den e fufuru èn den e waka gi den trowpatna.Moro nanga moro sma e trowe a brudu fu trawan.  3  Dati meki a kondre o row.Ala sma na ini a kondre o kon swaki te fu dede.Ala den busmeti, den fowru na loktuèn srefi den fisi na ini a se o dede.  4  „Ma nowan sma musu hartaki nanga a pipel disi èn nowan sma musu pir’ai gi den,bika den tranga-ede leki sma di e hartaki nanga den priester.  5  Unu o stotu un futu na deiten neleki na neti unu de.Srefi wan profeiti o stotu en futu neleki unu. Mi o kiri un m’ma tu.*  6  Mi pipel o dede* fu di den no sabi mi. Fu di unu no wani leri sabi mi,meki mi no wani taki unu wroko leki priester gi mi moro.Fu di unu fergiti den wet* fu un Gado,meki mi srefi o fergiti den manpkin fu unu.  7  O moro priester de, o moro den e sondu. Mi o kenki a glori fu den kon tron syen.*  8  Den priester e nyan bun fu a sondu di mi pipel e sondu.Den wani taki a pipel du ogri ala ten.  9  A srefi sani di o psa nanga a pipel, o psa nanga den priester tu.Mi o aksi den frantwortu fu a fasi fa den e tyari densrefi.Mi o meki den pai gi den ogri di den du. 10  Den o nyan, ma a no o sari den. Den o abi seks nanga suma den wani,* ma den no o man kisi pkin.Den sani disi o psa nanga den fu di den no e arki Yehovah. 11  Hurulibi, win nanga nyun winmeki den no e firi fu du san bun. 12  Mi pipel e tan suku yepi na udu popki di den e dini leki gadoèn den e suku rai na den wakatiki fu den.*Fu di hurulibi de na den prakseri ala ten, meki den lasi pasi.Na a hurulibi fu den meki den no wani saka densrefi na ondro a Gado fu den. 13  Den e tyari srakti-ofrandi na tapu den ede fu den bergièn den e tyari smoko-ofrandi na tapu den pkin bergi.Na a srefi sani den e du ondro den eik-bon, den storaks-bon nanga ibri bigi bonfu di den lobi a skaduw ondro den bon. Dati meki den umapkin fu unu e huruèn den uma di trow nanga un manpkin e waka gi den masra. 14  Mi no o aksi den umapkin fu unu frantwortu fu a huru di den e huruèn mi no o aksi den uma di trow nanga un manpkin frantwortu fu a wakalibi fu den. Bika den man e go na den huru-umaèn den e tyari ofrandi makandra nanga den tempel huru-uma.Dati meki a pipel disi di no abi ferstan o kisi pori. 15  Israel, awinsi yu e huru,Yuda no musu du a srefi sondu. Un no musu kon na Gilgal èn un no musu kon na Bet-Afen.Te unu e meki sweri, dan un no musu taki tu: ’Mi e sweri na a libilibi Gado Yehovah!’ 16  Bika Israel kon tranga-ede leki wan kaw di no wani arki en basi. We dan fa Yehovah o luku en leki wan skapuman di e luku en yongu manskapu na wan bigi weigron?* 17  Efrayim e anbegi falsi gado. Libi en meki a tan fu en! 18  Te a no abi biri* moro,dan a e go abi seks nanga suma a wani.* Den tiriman* fu en lobi du syen sani. 19  A winti o wai en gwe.A o syen fu den ofrandi di a e tyari.”

Futuwortu

^ Hebrew wortu: kesed. Luku Wortubuku.
^ Noso: „Mi o meki un m’ma tan pî”.
^ Noso: „Mi pipel o tan pî”.
^ Noso: „den leri”.
^ Noso kande: „Na presi fu gi mi glori, den e gi mi syen”.
^ Noso: „Den o huru na ala sortu fasi”.
^ Noso: „a wakatiki fu wan lukuman”.
^ Hebrewtongo: „bigi presi”.
^ Noso: „biri di meki fu tarwe”.
^ Noso: „A e go huru na ala sortu fasi”.
^ Hebrewtongo: „schild”.

Auteursrechten voor deze publicatie